Naacum 3:11 - NABUWWA KEE MALIKWA

¹¹ Nanawê-maraw, isin kaadu yiskire marih innah lagaggaq edde intaanaah, naqboytiitik sasseenih edde tambooqoren aracih goranah, tardoonu waytan saaki amaatele.

Naacum 3:11 ပူးပေါင်းရင်းမြစ်များ

Yasaqya 2:10

YALLA kee kay kaxxa nabnah meysih, xixxaq le qaleela kee baaxô-bagul dagen boodoodah addat ombooqora.

Yasaqya 2:19

Usuk baaxo yasgayye'gidih yamaatu waa saaku, YALLA kee kay kaxxa nabnah meysih, ummat gablah addat tambooqorem kee booriimah addat tambooqorem akkele.

Yasaqya 29:9

Ama tekken xangi-maleelay akah taniinihiyya tika. Akah tanin inti maleela tika. Qinabak bicsen kamri aaqube'kal lagaggaq intan. Gambiik gambil lagaq intaana'mmay, toh kamri maqubih sabbatah abtaanam hinna.

Yasaqya 49:26

Siinit xukkuta mari titta akmeloonuuh; sittak caxen qabala yaaquboonu waan waqdi, kamri yooqobe marih innah askirelon. Too waqdi baadal eneyya 'ya mari, anu YALLA kinniyom aaxigele. Sin wadaah xixxibaanek sin yeyyeeqe Dagelta kinniyom aaxigelon. Yaqkuub-Dageltay cayla le kinniyom aaxigelon.»

Yasaqya 63:6

Bagcarrite waqdi inkih tan doolatwat eeqeteh ken askirise. Qabala keenik baaxok bagul caxe» iyye.

Ermiyaas 4:5

«Inkih yan rasul tan ummatta akah taabbe'nnah, Yuudâ-baaxol *baanta agura inxica. Xongolo fayya haay seeco aba; Yarusalaam kee Yuudâ-marak, ‹Titta fanah gacaay gaso maroh edde tan magaala fan kuda› inxica.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Ermiyaas 8:14

Yallih mari iyyu waamah, «Akkel abnam macaay? YALLAY ni Dageltah yanihiyya, dambi lem kaal bahnem nek yubleeh, tonna leemiik nee baysam faxa. Summi le leek nee yafqem faxak, sitta fanah gacnay, woo gasoosa maroh edde tan magaalooli fanah nee beyaay, wokkel rabnay nee inxica» 'yaanam axcelon.

Hosiqa 10:8

Beet-Awenil fayya le ikkel tan aroocay uma-taama elle abak sugeenihiyya bayele. Oson bicsen qibaadah aroocal waaqex kee keenan aabukele. Ummat qaleelak, ‹Nee uqura› axcele. Koomaamik, ‹Nel radaay› axcelon» iyye.

Qaamus 9:3

Karmel deqsitta kaxxa qaleh amo yawqeeniih sasan way, gorrissa ken heeh ken gacseyyo. Adda le badat culla 'yeenih yok sassaanam gabbatan way, badak addal yan gawi keenit ara'gidih amriseyyo.

Miika 7:17

Abeesah innah cerriy axcuk ballaaqek bagul gexelon. Yallak aben meysih axaxitak, koositih bicsen-aroocak yewqeenih amaatelon. Aben meysih YALLAY ni Dageltah yanil aduurelon.

Naacum 1:10

Isin yiskire maraw, kafte qayso kee ittat culah yan keenaanit gexxa girah innah cararetton.

Naacum 2:1

Nanawê-maraw, sin bayissu wayta qande temeeteh, marot sin tabbixe. Tonna'mmay ahaysa dacayrih yan mari magaalâ gasoosak gacaay; magaala akak culan gita dacrisay. Qaskarah inkih seecaay qeebih gulguluh gaca.

1 Samuwel 13:6

Israayil mari isinni adda yuble waqdi, taysem kinnim waagiseenih; keenik garab gabla kee garbo elle tani'kkeh addat yombooqoren. Raaqe garab kaadu xaluuqâ fanat culeeh, dagen arooca kee qelwah addat yombooqoren.

1 Samuwel 14:11

Sarrak Filistiin-mari ken akah yable innah aben. Too waqdi Filistiin-mari, «Wagga! Qibraan marak tu takkem edde yombooqoreenih sugen boodoodak away yawqeenih yanin» iyyen.