Naacum 2:11 - NABUWWA KEE MALIKWA

^11-12 Lubak admoh gexa waqdi, alluwwa qidda haah, molta kee xaylo gablah addal adoobisa. Ken gabla lubak kitiffa hee cadok kibbinta. Nanawê-malik tonnah abak yen. Lubooka edde tan gabla ceelak ten Nanawe a saaku maca geytee? Cayla le lubooka elle adoobittam ceelak ten Nanawe a saaku maca geytee? Lubak kee molta xaylo luk mellekkiy axcuk addal akak gexxam ceelak sugte Nanawe, a saaku maca geytee?

Naacum 2:11 ပူးပေါင်းရင်းမြစ်များ

Yasaqya 13:7

Too ayro kulli numih gaba axaxiteleeh, kulli numuk niya addigillele.

Yasaqya 31:4

Macaay inteenik, YALLI yok iyyemii, «Lubak admoh baahe laahih cado yakme waqdi, lacti duwat suge mari yakkeemiik kaa fan dadha way, kaat kaayan way, keenik mameysita. Lac kaak raaqisaanam faxan way, hinnigga keenih m'iyya. Nabaamak Naba Dagelti kaadu too lubaakih innah, Siyon-qalel qeebi abuh yamaate waqdi, kaa akak waasu waa num mayan.

Yasaqya 5:29

Ken qaskar, lubookay qidde lac sahda keenik bukkussaamak garadak kuddahiyyah xaw xawta.

Ermiyaas 2:15

Sinam lubooka siinil akah tekkem maay taaxigen? Baaxo siinik abur aben. Dabaaqah elle sugten magaalooli siinik carariseeniih tu elle ane wayta baaxoy haanah tani siinik aben.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Ermiyaas 50:17

YALLI kaadu qagseh iyyemii, «Israayil mari illiy lubak soole kaleeh yayraddehiyya yekken. Naharak Assuuriyah malik cado keenik yokmeeh; sarrak Baabelon malik lafoofi keenik yiggiggile.

Ermiyaas 50:44

Yalli qagseh iyyemii, «Ordon garboh addak garciik yewqe lubak lac elle gilisa'nnal, Baabelon-mara giliseyyo. Ken magaalak ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Yacedkel 32:2

«Bani-adantow, darraqah takke boogey Masri marah aboonu waanahiyya ah teeti. Doolatwa fanat qande le lubak is takkale. Takkay immay dori addat ibak gaba tasgayye xabaadoh gide kinnito. Lee ibat kalla abteeh, darraqosseh.

Ayyuqel 2:6

Ta qanay amaatih yable marat warigga radda. Fooci sinaamak dattoowa. Garih akak yemeete marat axaxo hayta.

Miika 5:6

Too macaxi nee cateleeh keenik aysele. Nimrud elle suge Assuuriyah marih baaxo abbixeloonuh qande luk ken xiiniselon» [axcuk tirtirisa mari yan.] Takkay immay Assuuriyah mari baaxo nek yabbixe'gidih yemeetek, ken gabak nee waddam, YALLI ruubu waa abba.

Naacum 3:1

Sahda elle qidan magaalay, woyyow kot takku waytaamow! Deedalat elle yaaban magaalay, woyyow kot takku waytaamow! Mango duyyey buubtehiyya kot tanih; kok buubelon.

Xafanya 3:3

Tet addal tan doolatat taamitta abbobti, qulule lubaakih innah, baaxo meekitan. Tet addal tan cokmi abeenit, maaci edde maacise barugak cayye wayte suulah innah gacan.