Miika 7:9 - NABUWWA KEE MALIKWA

⁹ Dambi lem bahneeh, tohuk gexxaamah YALLI nee yinqibeh. Tonna leemiik ta saaku usuk net aba digaala raabitnam nel tan. Macaay innek, YALLI ellecabol umaanek kalalu neh akkele. Sinam duma nel bahte umaaneh aftok neh amqele. Ditek iful nee ayyaaqele. Nee cateleeh, kay cato geenno.

Miika 7:9 ပူးပေါင်းရင်းမြစ်များ

2 Samuwel 24:17

Dawud woo malaykattuy ummatta qidahiyya yubleeh, too waqdi YALLAK iyyeemih, «Qellatat asseeh ceele-waytih tanim abtem yook, too qellatah, yoo kee yi buxah mara akah digaal. A masaakiina maca bahteeh macah digaalta?» iyye.

Yasaqya 42:16

Inti maleela duma edde gexe wayte gitat beeyyo; duma aaxige waak sugen gitat ken beeyyo. Diteh sugte baaxo ifu keenih bahsiiseyyo; umuk suge gita saytun-gita abeyyo. Abu waam tamahaay; duuduse'kkal fanat ken macaba.

Yasaqya 42:7

Inti maleela inti geysiisetto; casbit yan mara casbik ayyaaqetto. Ditet yan mara woo casbik ayyaaqetto» iyye.

Yasaqya 46:13

Anu akah exce innah, cakki edde geytimu waa ayro xayih. Yi wadu baahu waa ayro xayih. Yarusalaam edde wadu waa ayro xayih. Israayil ummatah yi qax-maqaane aceeyyo» iyyah yan.

Yasaqya 51:22

Sin Dagelti isi marih qaxat gaca. Tonnal KAAY malikih yani siinik iyyaamah, «Enneeqebbe saaku siinih ecee kobbaaya siinik beeyyo. Ahaysa lagaq sin hayta kobbaayat mataaquban.

Yasaqya 56:1

YALLI iyyaamah, «Yi qadaalat elle yan inna tabloonu waytaanah, sin edde catu waa wakti xayiimih sabbatah, qadaalatat taamitaay cakkik tanim aba.

Ermiyaas 10:19

Yarusalaam-ummatta too waqdi weqteeh: «Woyyow ni nabsow! Uma mudumuh muddunneh nan. Nanu abnem akak uran mudum hinna» iyyen. Takkay immay bagul, «Ni biyaakal nasbirem nel tan.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Ermiyaas 51:10

‹YALLI neh yuckumeh yanik, ahaysa YALLAY ni Dageltah yani abem Siyoonul warisnaama› axcelon» 'yaanam YALLI iyye.

Malaaki 3:18

Tonnal anu uma maray yi yab cinahiyya kee meqe maray anu aba axcem abahiyya tittak ken elle baxsa'nna abletton» iyye.

1 Samuwel 24:15

YALLI koo kee yok qellat le num ableleeh, qellat edde yan numul nek meklele. Yot takkem ableleeh, tuk teena akak axcele; ku gabak yoo ayyaaqele» kaak iyye.

1 Samuwel 25:39

Dawud Nabal raba yoobbeeh, too waqdi iyyeemih, «Yooy kay naqasuh yanil ceele waytam baahe numul umam yoo baahe kaleeh yi aftok isih kaa digaale YALLA fayla taafay. Nabal baahe umaaneh YALLI kaa digaaleh» iyye. Tohuk lakal Dawud Abiigal rihimih abita'gidih, isi mara teetil ruube.

1 Samuwel 26:10

Tonna'mmay YALLI Saawul amrih qide kee carbit qide akkeleemih YALLAY waarahiyyah migaaqal xiibita. YALLI isih kaa aatukeleh immay,

1 Samuwel 3:18

Samuwel Yalli kaak inxicca 'yeemik tu kaak maaqurinnay inkih kaah warse. Too waqdi Qeli iyyeemih, «Usuk YALLAK, kay intit taysem abay» iyye.