Miika 7:2 - NABUWWA KEE MALIKWA

² Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.

Miika 7:2 ပူးပေါင်းရင်းမြစ်များ

Yasaqya 3:5

Mari marat keenik xukkutele. Qunxa urri barah naba mara mayassakaxxa. Tut loowoh suge wee mari, isik naba mara mayassakaxxa.

Yasaqya 57:1

Cakki-gital-gexa-mari rabeh immay, woh, num afqadok macubbusa. Yalla kicna mari rabeh immay, num baaqid edde mahaysitinna. Too mari rabek wadir, ken-tabbixe-umaane ane waytaamat num maradinna. Addunyal umaane takkeemik dumal, Yalli is fan ken bee.

Yasaqya 59:7

Tu baahe wee mara sissikuk qiddaanah, bagi siinik xuwaw mali. Umaanek sa tu mamalissaanaah, elle gexinnaan ikkel baaxo abur kee baatî-gadda abteenih cabtan.

Yasaqya 9:19

YALLAY Nabaamak Nabahiyya bagcarriteemih sabbatah, kay digaala girah innah baaxo inkih carariseeh, ummatta inkih bayseeh; num numul saduh gace.

Ermiyaas 16:16

Kaadu qagseh iyyeemih, «Mango kullum-tabbaxo ken tabbixe'gidih keenit ruubeyyo. Mango admo-abeynit ken tabbixe'gidih keenit ruubeyyo. Too mari qaleelah amot ken macabaay, koomah amot ken macabaay, gablah addat ken macabaay forqot ken macabaanay, ken selelon.

Ermiyaas 5:16

Qaskar keenik kaxxa qande leeh, gabat lon gaysê-baxat racmatta maleh sahda qidan.

Ermiyaas 5:26

Yi marih addat uma mari yan. Ta mari oflot-kimbir-yabbixem-faxa-marih innah raarisan. Oflot yabbixeenim faxaanam sinaama'kkal, kimbir hinna.

Ermiyaas 8:6

Intaanam siinik aabbeh immay, nummat mayabtan. Abe umaaneh nadaamita num siinit mayan. «Labhay, umaaneh baahem macaay?» iyyeh essera num siinit mayan. Kulli num siinik qeebi booxa fan xoxbisan farasih innal isi faxa gitat xoxoba.

Yacedkel 22:12

Ku addal yan marak garab, lakqo akah ucuyya haan waqdi, qida iyyen mara qida. Marak garab abuuduh yeceeh yan lakqot gacsal ossotina faxa. Isinni cuggaaneh lakqo dulmih beyan. Ku mari yoo hawweeneh yan. Tahat yabtam, yoo YALLAY Mulki lehiyya› teetik inxic.

Yacedkel 24:6

«YALLAY Mulki lehiyya iyyaamah, ‹Sahda qida marih magaala baateh; dicil baahek sah akak duugume waa distih gide tekkeh tan. Tet addal cado awqa-awqah beeloonuuh tu macaban.

Hosiqa 5:1

«Seekay, ankacisa. Israayil ummatey, axcem oobbeya. Malikwa kee keenih ramad le maraw, edde yaaba yab ayti yoh acuya. Abtan cokmi qadaalatat abtaana'gidih, siinil yontocowweh immay, woh maabinnitoonuuy; tonna leemiik isin abba haytan cokmi siinil aduurele. Mixfa deqsita aracal, sahdah oflo tekken. Taabor qaleh amol, sabakat kullum elle yabbixen innal sahda tabbixen.

Hosiqa 6:9

Seeka, siftay sinam qidimih raarissa tekke. Seekem magaala fan beya gitih addal kinni way sahda qidan. Makkook kaxxa umaane aban.

Miika 2:8

Takkay immay isin yi marak naqboytit tekken. Ummat carbik isi buxa taduure waqdi, amaanah sugelem akkaluk yamaateeni'mmay, oson lon sartan bukkoh keenik beytan.

Miika 3:10

Yarusalaam Yallih magaalaay; away tet elle xissaanam, qabal-cayxi kee qadaalat sinna.

Miika 3:2

meqem niqbaah, umam kicna mara tekken. Yi marak arab nuwwih tayyaaqeeniih, lafâ bagul tan cado keenik kaltan.

Zakariyya 11:6

Too waqdi yok iyyeemih, «Anu ahak wadir a baaxol enna 'ya marah maxuwaawaay, ken macata. Kulli num, garil kaak yan num akkeey, amol kaak yan amoytih gabal hee akkeyyo. Too mari baaxo bayseleeh, anu kaadu woo baaxo baysoonay ken axceyyo. Tah intam yoo YALLA» iyye.

1 Samuwel 24:11

Kameesik exxâ-baxa kok irgiqeeh, woo exxa ah teetiy gabat abbixe. Koo qidam niyat luk sugaamal, too way koo qidak en. Koo qidaamih fayxi alle waam tahal yok ixig. Yooy tu kol baahe weehiyyah qidimih yoo gorrisak takke fan temeetem koo.

1 Samuwel 26:20

Yoh tu gactek, YALLA elle aqbude waan baaxol rabam mafaxa. Tonnah tanim yol mabaahin. Israayil malik yooy kannaadi bis lehiyya akah qidam faxaamak sabab macaay? Ali innah admoh lakak yoo akah tayraddem maca?» kaak iyye.