Miika 7:18 - NABUWWA KEE MALIKWA

¹⁸ «Kok sa Yalli mayana. A saaku ku digaalak cattiime marah qafu abte. Akak aduure wayta naqabuh matanqiba. Amurruqe sinni kacanu nee taybulluyem koo ruffa hayta.

Miika 7:18 ပူးပေါင်းရင်းမြစ်များ

1 Malikwa 8:23

Dooqah iyyeemih, «YALLAW, Israayil ummatta doore Dageltaw, kok sa qaran kee baaxol Yalli mayana. Baguuk koo taqbude ku naqoosah litoh tan kacni akak amurruqe waa Dagelta kinnitooh; keenih culte xagana duudusa Dagelta kinnito.

2 Aydaad 30:9

YALLAL tuduureenik, sin mara seewah bee mari keenih xuwaaweleeh, isinni buxah yaduuroonay ken axcelon. YALLI maqaane kee racmatta le Yallaay; kaal tuduureenik, sin oggolele» 'yaanamih farmo keenit waden.

2 Aydaad 6:21

Yoo kee ku maray Israayilih yoobokehiyya ta Qibaadah-Qari fan ufkunna inneh abna dooqa nek raabit. Qaraanay ku dabqih yanihiyyak ni kallaci oobbeyaay abne umaanek qafu neh ab.

Nacmiya 9:17

Koo yaabbeenim cineeniih, atu abte ablewaynuh tan taama hawweeneenih. Kaxxiinak gexxaamah, wadir Masri naqoosinnah ken gacisu waa abba dooren. Atu tohuh, yi Dageltaw, racmatta kee maqaane le Dageltay qafu abahiyya kinnito. Naqabut asissike waah, sahdah kaxxa kacanu yaybulle Dagelta kinnito. Tohih sabbatah booxal qidda heeh darre keenit macabinnito.

Yasaqya 1:18

YALLI qagseh iyyeemih, «Tahaysa yol amaay, tahat itta lih yaabenno. Isin abten dambit kaqalteenih immay anu woo dambik sin kaqliseh cankaxi qidih innah sin heeyyo. Dambik abteenimih mangah xagar siinik yoomeh yani'mmay, qado illi xagoorih innah akak gacetton.

Yasaqya 33:24

Too saaku ni marih addat biyaakita num mageytima. Wokkel woo saaku dabaaqah sugu waa marih dambik Yalli qafu abele.

Yasaqya 38:17

‹Afqado yok abte ankaya maqaaneey meqem yoh xalte. Yoo akcinuk, rabak yoo catteh; abe dambi yoh cabteh tan› 'yaanam yi Dageltak exce.

Yasaqya 40:18

Yallat missowtam maay tani? Yallih ceelo iyyi yaaxige? «Anna ceela, woo gurral yan» intu duddah, intam iyya?

Yasaqya 40:25

Kudduusuk yan Yalli iyyam le: «Yot missowtu duddam maay tan? Hay, yi gid takkem maay tani?»

Yasaqya 43:25

«Tah inkih abtaanam siinik abaluk, abtan dambi siinik luuqusa Dagelta kinniyo. Toh siinih akah abam, inni migaaqih taaga. Tohuk gexxaamah edde assen umaane kassitak maraaqa.

Yasaqya 44:22

Abten dambi kee umaane qamburreh innah siinik eyseerreh. Sin waddem yook, tonna kinnuk yol uduura» iyye.

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Yasaqya 57:10

Mangom safarteenih akak taqabteeni'mmay, ‹Neh xiqtam mali› maxcinniton. Qusba qaafiyat haysitteenih, maboolaatinniton.

Yasaqya 57:16

Tonnal ahak wadir keenik tu mawaay, ahaysa naqabut ken lih maraaqa. Kulli waqdi tu keenik week, sinam boolaateleeh, niya keenik rabele.

Yasaqya 62:5

Furrayni baxuwwa isim elle aba'nnal, Yallay koo xise koo isim abele. Qarus qibnah yassalleh gide, ku Dagelti koh assaallele.

Yasaqya 64:9

YALLAW, kaxxam nee manqabinaay ni dambil faxe way nee makatayin. Nakkeemik ku ummatta kinninok, neh racmat.

Yasaqya 65:19

Yarsalaam akcine liyo; inni marat ruffa axceyyo. Tahaysa weeqi mayakka; tet addal booge matakka; matantabbaay num mayabba.

Ermiyaas 3:12

«Tohuk kalah yok iyyemii, ‹Gexay Israayil-mari yaabbeeni'gidih, kilbat fanah deero ab. Intaamah: YALLI iyyaamah, Imaan maleelah tan Israayil xayloy! Amay yol uduura. Racmatta le Dagelta kinniyooh, sin assacakke way siinil aduureyyok, yol uduura. Tah intam yoo YALLA.

Ermiyaas 3:5

‹Yalli kulli saaku net mabagcarrita. Ahaysa nee mayanqiba› intan. Afak toh intaana'mmay, tohuh, aaminnaan taamah abittok maraaqinniton» 'yaanam siinik iyya.

Ermiyaas 31:20

«Israayil ummatey, kulli marak kacanuh akah lafta xayloh yok tanin. Sin gide kacanuh numuh massalliyyo. Isin abtan umaanet yaabah immay, tohuh, sin kasa waqdi siinih xuwaawah. Afqado sin fanah liyooh siinih racmateyyo. Tah intam yoo YALLA.

Ermiyaas 31:34

Too saakuk wadir, qunxa numuuy kaxxa num, nagay yoo aaxigeleeh; tonna leemiik, faxe num isil xayi num akkiiy isi baaxoh numuk, ‹YALLA nagay ixig› akah iyyam maraqta. Duma aben dambi keenih cabeyyooh; baahen qellatak qafu keenih axceyyo. Qahdih keenih culam tohu. Tahamat yabtam yoo YALLA» iyye.

Ermiyaas 32:41

Keenih aba maqaane ruffu yoo heele. A rasuk way akah aarre waan innah, nagay yan daabisiyya keenit abeyyo. Tahamaay, keenih liyoh an xuwaawah abu waama.

Ermiyaas 33:8

Yol baahen dambik qafu keenih abeyyo. Edde sugen dambi kee abak sugen yabti-cinak kaadu qafu keenih axceyyo.

Ermiyaas 38:8

Too waqdi Qebedmelek malik buxak bukka iyyeh malikil amma 'yeeh kaak iyyeemih,

Ermiyaas 50:20

Too saaku, Israayil kee Yuudâ-marak saaboh raaqe maray Baabelon malikih gabak rooci edde catehiyyah qafu abeyyoomuh sabbatah, dambi le mari ken baaxol masuga. Duma abeenim keenih cabeyyo. Tahat yabtam yoo YALLA» 'yaanam iyye.

Ermiyaas 9:24

Yoo yaaxigeeh, anu faxam yasmite num yenek, toh kaxxam kinnim yaaxigeemiiy amo elle yamqeemi. Niyaateh meqem tohu. Macaay inteenik, anu sahdah liyo kacni, yambaxe kacanu hinna. Cakki kee qadaalatak tan abto aba Dagelta kinniyooh; yoo ruffu haytam tamaha. Tahat yabtam yoo YALLA kinni» iyye.

Yacedkel 18:23

Uma num rabaamah, anu maa rufto geyam siinit celta? Yoo ruffu haytam, dambik toobitaah waara num ableemi. Tah intam yoo YALLAY Mulki lehiyya» iyye.

Yacedkel 33:11

‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.

Yacedkel 33:16

Dumah abeh suge dambi kaah cabeyyo. Meqeemit ase kaa tekkeeh, cakkik tanim abe kaa tekkek tonnal waarele.

Daaniyel 9:9

Yallaw, ni Goytaw, koo cinneh ku nabuwway ku naqoosah tanihiyya Yallih xintol eemena axcuk ne'lih yabte yab oggole cinneh immay, atu racmatta kee qafu le Dagelta kinnito.

Hosiqa 14:2

YALLAL uduuray, a dooqa Yallih garil oggol siinik geytay. Dooqah intaanamah, ‹Abba hayne dambi neh cab. YALLAW, sadgatah awurwa koh qidnaamak koo faylisnak, abnah nan dooqa nek oggol.

Hosiqa 14:5

Israayil mara, qabar le baaxo rob elle doogisa'nnal doogiseyyo. Qobor innah wir axcelon. Lubnaan rasih cooxih innah, qande le daabisiyyah ken daabiseyyo.

Ayyuqel 2:32

YALLAH seecinnaanih num waddiimele. YALLI akah iyye'nnah, «Yarusalaamal sugu waa marak tu takkem asillimele. Anu dooreh akah seece mari cattiimele» iyye.

Qaamus 1:11

Kaadu qagissa heeh iyyemii, «Aham YALLI iyyaama. ‹Edom mari fiiruk geerah dambi le taama abeenih; tohuk gexxaamah ken digaaleyyom digga le. Israayil ummatay ken toobokoh tanihiyya admoh qidan dubaalih gurral qiden. Racmatta sinni qidimih ken qiden. Way cabe waan naqabu afqadot keenih heen.

Qaamus 7:8

Too waqdi YALLI yok iyyemii, ‹Qaamusow, maca table?› yok iyye. ‹Gidaar xisan waqdi makot tanim kee ane waytam elle yaaxigen miizaan able› exce. Too waqdi YALLI yok iyyemii, ‹Hay tonnal, anu ta mansafat Israayil mari makot yan mara kinnim aybulleeyyo. Tahaysa ken digaaleyyo ikkal, wadir akak maxca.

Qaamus 8:2

Too waqdi YALLI yok iyyemii, ‹Maca table?› yok iyye. « ‹Kudaarak kibuk yan kafaq ableh an› 'yaanam exce. «Too waqdi yok iyyeemih: ‹Yi maray Israayilih yoobokehiyyah ellecabo gufteh. Tahaysa ken digaaleyyo ikkal, wadir akak maxca.

Yoonas 4:2

Tohuk gexxaamah YALLA fan dooqa abe. Dooqah iyyemii, «YALLAW, anu ku farmo gabat luk buxak ugte saaku, ah abtu waytaamih cunxoh inni bagul luk suge. Isbaaniya baaxo akah kudem tohu. Atu kulli way maqaane kee racmatta le Dagelta kinnitom kok aaxigeh. Dagoomut mabagcarritaay digaalat matasissikaay kaxxa kacanu taybullee. Sahda abta umaanek sahdah qafu aba Dagelta kinnitom kok aaxigeh.

Miika 2:12

YALLI iyyeemih, «Israayil maraw, baatik raaqu waa mara inki ikkel gaaboyseyyo. Bar gasoh orbisan saqih innah tittal sin gacseyyo. Mangah, baaxol rob yan saaku mango qayso elle tooboke ikkel yaloole illih innah, gacetton» iyye.

Miika 4:7

A mari aymiteeh, buxak yexxeere marah yaniini'mmay, meqe bica keenit abeyyo. Too mari kaxxa doolat akkele. Siyon Qaleh amol too ayrok wadir anu innih ummaan waqdi keenil ackumeyyo.

Miika 5:3

Barra lab-baxa xaltam fanah, YALLI isi marat darre cabele. Tohuk lakal marin baaxol keenik yan mari isi baaxo fanah aduureleeh, isi marat angalele.

Miika 7:14

Ummat inteemih, «YALLAW, saqi-loynah innal, isi mara dacris. Isi maray isih doorittehiyya dacris. Nanu elle nanim garboh tan baaxo'mmay niqmatak tan baaxo dariifal nek tan. Dumî-dabaanal akah abak sugne innah, Basan kee Gilqad rasuy niqmatak yanihiyya fan genxeh caynay nee inxic.

Xafanya 3:17

YALLAY ku Dagelta kinni ko'lih yaniih, koo waklisa. Yallih cayla nasri geetton. YALLI sin assakootele. YALLI siinih le kacanuh, qusba manoh xiine liton. Ummat qiidit tassa elle intaah, wallitak ruffa elle inta'nnal, YALLI siinih le kacanuh, qililisak, tassa axcele. YALLI siinik iyyaamahaa: «Aysa baati sin mageyta; ahaysa qaybik maraddan.

Makaabon 10:16

Sarrak aqbuduk sugen duyye baaxot qideenih, YALLA yuqbuden. YALLI Israayil marat yakke gibdaabina qansiise cineh.