Miika 7:17 - NABUWWA KEE MALIKWA

¹⁷ Abeesah innah cerriy axcuk ballaaqek bagul gexelon. Yallak aben meysih axaxitak, koositih bicsen-aroocak yewqeenih amaatelon. Aben meysih YALLAY ni Dageltah yanil aduurelon.

Miika 7:17 ပူးပေါင်းရင်းမြစ်များ

2 Samuwel 22:46

Niya keenik raddeeh; elle yenen gasok, cunxitak yamaaten.

2 Aydaad 17:10

Yacoosafat dariifal enna 'ta rasuk cuggaaneh enna 'ta malikwa carbi kaat abtaamak, YALLI kay cunxo keenit ruube.

Yasaqya 25:3

Toh abaluk, toh aaxaguk cayla-leelah tan ummatta koo aynabele; assakaxxele. Sahdat xukkutta doolatwa elle dardarta magaala kok meysitak koo aynabele.

Yasaqya 49:23

Malikwa, abbobtih inna siinih akkeleeh; malikwah-agbi inonti siinih akkele. Massakaxxah gommoh siinih radelon. Isinni ayqunxuk, sin aynabelon. Tonnal anu YALLA kinniyom aaxigetton. Yol kibalsita numuk niya margiqa» iyyah yan.

Yasaqya 59:19

Tonnal ayrô-mawqaay ayrô-culmal kulli num kaak meysitele; kay nabnak meysitelon. Haruurugutak ooba weeqih innah amaateleeh, kullim duufut beya caacayih innal amaatele.

Yasaqya 60:14

Kot xukkutak yen marih xaylo amaatele; koo yassakaxxeeni'gidih gommoh koh radelon. Duma koo bursutak yen mari ku ibih gubat radeh, ‹YALLIH magaalay! Siyon magaalay! Israayil doore Dageltay *Kudduusuk yanihiyyah magaalay› 'yaanam axcuk koo diyaarelon.

Yasaqya 64:2

Gira boco elle urussa'nnah, too girah bagul lee akah facta'nnah amaay qandek litom isi naqboytit uybulluyaay; baadal tan ummatta ku foocal akah axaxitta innah keenik ab.

Yasaqya 65:25

Wakri anaqtu waklisele; lubak maaqoh qayso akmele. Awur innah qayso akmele. Hay, abeesa numut m'artaay, dibuk akmelem bullaaqe. Yi qaley taahirik tanil tet amol faxinnaan ikkel biyaakissam mageytinta; ahaysa umaane mayablan» 'yaanam iyya YALLI.

Yasaqya 7:19

Too waqdi yakkeenimik goloh addaay gabloolih addaay coox guba kee, tonnah kaadu, qayso le aroocal mododelon.

Ermiyaas 16:16

Kaadu qagseh iyyeemih, «Mango kullum-tabbaxo ken tabbixe'gidih keenit ruubeyyo. Mango admo-abeynit ken tabbixe'gidih keenit ruubeyyo. Too mari qaleelah amot ken macabaay, koomah amot ken macabaay, gablah addat ken macabaay forqot ken macabaanay, ken selelon.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.

Zakariyya 14:5

Too ayro isin, ta daqaaray namma qalek fan gexak Aaxal deqsita arac gufahiyyak addah gacca 'teenih asillimetton. Sin kaxxa abbobti malik Quddiyya deqsita num Yuudâ-rasul malikih yen saakuy baaxo tengeyyehiyya elle tisillime innal asillimetton. Too waqdi YALLAY yi Dagelta kinni isi malaykoota inkih gabat luk akke fanah amaatele.

Yoosuwa 9:24

Oson too waqdi iyyeenimii, «Tah innem kinni. Tah akah innem, YALLAY sin Dagelta kinnihiyya isin bisoh gutuqak elle tamaateenimil, a inkih tan baaxo siinih yeceeh; tet addal yan mara qiddaana'gidih, isi naqasuh yen Muusa amrisem noobbeeh; toh numma kinnim neexegeh. Tohuh siinik meysinneh sugneemih sabbatah inne. Ninni roocih meysitak sugne.

1 Samuwel 14:11

Sarrak Filistiin-mari ken akah yable innah aben. Too waqdi Filistiin-mari, «Wagga! Qibraan marak tu takkem edde yombooqoreenih sugen boodoodak away yawqeenih yanin» iyyen.