Miika 7:14 - NABUWWA KEE MALIKWA

¹⁴ Ummat inteemih, «YALLAW, saqi-loynah innal, isi mara dacris. Isi maray isih doorittehiyya dacris. Nanu elle nanim garboh tan baaxo'mmay niqmatak tan baaxo dariifal nek tan. Dumî-dabaanal akah abak sugne innah, Basan kee Gilqad rasuy niqmatak yanihiyya fan genxeh caynay nee inxic.

Miika 7:14 ပူးပေါင်းရင်းမြစ်များ

Yasaqya 27:13

Too ayro, kaxxa *baanta aagureloonuuh tet kaayiselon. Masri kabuk gitah been mara kee, Assuuriyal baatit yan marah seecaana'gidih tet aagurelon. Too baanta aabbeloonuuh amaatelon. Yarusalaam-qaley saytunil YALLA aqbudeloonuuh, kaa aynabelon.

Yasaqya 35:2

Birro kaxxa ubkah aabukele. Bakarroytah ten baaxo farcatah qililisele. Too baaxo Lubnaan le nabna geeleeh, Karmel kee Saaron deqsitta baaxo le qaxa geele. Sahda YALLAY ni Dageltah yanihiyyah-nabna kee qaxa ablele.

Yasaqya 37:24

Farmo elle rubte maral Yallih-qayto ruubak sugte. ‹Faras-gaariirat gacca inneh, yoo kee yi qaskar Lubnaan qaleelay fayya le awaquk sugne. Lubnaan qaleelak kaxxa fayya le qaleela awaquk sugne› yaanam inte. ‹Teetil yen kaxxa coox irgiqeh. Qax muquk ten *sariida ragidik irgiqe. Qalek kaxxam xer ikkel tan kaxxa garbo fanah gufeh en.

Yasaqya 40:11

Illit dacayrih yan loyni, isi illi elle dacrisa'nnal, YALLI isi mara dacrisa. Illi-xaylo gabal quukah, aliilit xabba haah beya. Xale illi xuwaw luk beya» 'yaanam axcuk keenih waris.

Yasaqya 49:10

Mabakaaritaanaay maqululan. Wahari le caacay kee ayrô-dahan ken mabiyaaka. Macaay inteenik, yoo YALLAY ken kicnahiyya foocat gacca 'yeh ken beeyyo; lee le buyyi fan ken beeyyo.

Yasaqya 65:10

Yol xayyoowam faxa marah, ‹Gadaama› deqsitta golo lac nookisa arac akkele. Saron migaaqah le booxa saq yaloole arac akkele» 'yaanam axcuk YALLI yaabe.

Ermiyaas 49:31

Yoo YALLI kaadu Nabkadnessarak iyyaamah, ‹Caxor-maray isi baaxo kaxxa amaanah xiinahiyyat qeebi aba. Ken mandarwa akak culan afay alfintahiyya maliiy; sinam lih kaadu hebeltô-qalla mahaysitinnoonuk, qeebi keenit aba.

Yacedkel 36:11

Ummat kee lac aymaggeyyo. Mango xaylo xalettoonuuh, dumak amaggetton. Dumak akah sugten innah tanoonay sin axceyyo. Dumak fuli gaddaliino siinit heeyyo. YALLA kinniyom too saaku yok aaxigetton.

Qaamus 9:11

YALLI iyyamaa, «Dawud dardaarinnay yiddigille qarih innah yiddigillehiyya edde xisu waa wakti amaatele. Gaso akak xiseyyo. Abur wadir akak aqusbuuseyyo. Duma akah suge'nnah gacseyyo.

Qobadya 1:19

«Yuudah yooboke maray gabbi-qaxat raaqahiyya, Edom rasu abbixele. Ayrô-culmat raqta mango koomaami le baaxol keenik raaqa mari kaadu, Filistiin-rasu abbixele. Israayil mari Efrayim kee Samaariyah rasu raaqiselon. Benyaamah yooboke mari kaadu Gilqad deqsita arac abbixele.

Miika 5:4

Illit dacayrih yan loyni isi illi elle dacrisa'nnal, too abba YALLAK geya qandet baaxo xiinisele. YALLAY kay Dagelta kinnihiyya le hayba kaat gacele. Addunyâ-bagul yan mari kay nabna isinnih ablelon. Tonna leemiik kay mari amaanah xiinele.

Xafanya 3:13

Israayil ummatak saaboh raaqe mari tahaysa sahdal umam mabaaha. Diraabat mayaabaanaay, sahda maduquurusan. Yakmeeniih yaaqubeenim ken mawaysiisa. Ken xagtam matanaay, numuk mameysitan» 'yaanam iyya.

Zakariyya 10:10

Masri kee Assuuriyak ken baaxo fanah ken gacseyyo. Ken baaxol ken nookiseyyo. Gilqad kee Lubnaanal ken nookiseyyo. Ummat baaxok amaggele.

Zakariyya 11:7

Zakariyya iyyeemih, «Tonna leemiik, yasguudoonu waan illit loynah yan num ekkeeh; eddeey edde xukkot yan illit duwah gace. Namma caxxa gabat hee. Too namma caxxak caxxak teenak migaaqah ‹Maqaane› exceeh; aki caxxak kaadu migaaqah ‹Egla› exce. Too illi dacriseh.

Malaaki 3:4

Yuuda kee Yarusalaam mari dumaak elle abak suge innal, Yallah sadgat abeloonuuh; YALLI kaadu dumaak keenik elle oggolak suge innal, keenik oggolele» iyye.