Miika 6:8 - NABUWWA KEE MALIKWA

⁸ YALLI meqeemiy abtaanahiyya siinih warseh. Toh macaay inteenik, qadaalat le taamah taamittaanam siinik faxa. Aggiriqe sinni kacanu taalleenim siinik faxa. Rammitta inteenih Yalla kinni sin Dageltih gita kataata mara takkeenim siinik faxa.

Miika 6:8 ပူးပေါင်းရင်းမြစ်များ

2 Aydaad 30:11

Takkay immay Aaser kee Manasse kee Dablon kedoh addak tu yakke maray YALLAH rammitehiyya gexe. Too mari farmo oggoleh Yarusalaam fan gexe.

2 Aydaad 32:26

Sarrak Ciskiyyaahu kee Yarusalaam mara YALLAH rammiteeniih; tonna-leemiik Ciskiyyaahu addunyal yanim fan YALLI woo ummatta madigaalinna.

2 Aydaad 33:19

Malik Manasse abe dooqa kee Yalli woo dooqa kaak elle oggole'nnaay; toobitaamak duma dambi kee umaanek abeh gide inkih Nabuwwah-Aydaada deqsita kitaabal yan. Usuk toobitaamak duma, bicsiiseh suge diini maleela qibaada elle abta aroocay fayyat raqtahiyyaay, Aseera deqsittaamay yaqbudeenihiyyah astah heenih sugen gurumuuda elle soolise arooca kee, gabak bicsen duyyeeyay yaqbudeenihiyya elle hee arooca inkih, kaadu woo kitaabal yan.

2 Aydaad 33:23

Takkay immay kay abbah innah, rammita numuy YALLA fan yaduurehiyya makkinna. Dambi abittoh isi abbak lafitta axcuk suge.

2 Aydaad 34:27

toobitteeh, yoh rammitte. Yarusalaam kee Yarusalaam maral baahu waam toobbe waqdi, nadaamah sara isik qanxisseeh weqteh. Too waqdi abteh tan dooqa kok oggoleh.

Nacmiya 9:13

Qaraanaak Siinâ Qalel obteeh; isi mara lih isi afak yabte. Qadaalat kee numma le xinto kee madqaay; meqe amri kee baritto keenih warisse.

Yasaqya 56:1

YALLI iyyaamah, «Yi qadaalat elle yan inna tabloonu waytaanah, sin edde catu waa wakti xayiimih sabbatah, qadaalatat taamitaay cakkik tanim aba.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Yasaqya 66:2

Ahim inkih anu innih gineeh, tonnal tekke. Takkay immay anu kiciyyom, rammitaah dambik toobita maray anu excem yok meysitak oggolahiyya.

Ermiyaas 22:16

Masaakiina kee tu'dagoytiitih cakki aba numuk ten. Tohuk gexxaamah abinnaanim gabal kaak bicak ten. Tonnah tanim abtam yoo yaaxige numu'mmay,

Ermiyaas 22:3

YALLI, ‹Cakkik tanim abaay qadaalatat taamita› siinik iyyah yan. ‹Dulmi aba mara kee edde yakke marih fan wagita. Dulmi edde yekke numih cakki aba. Allî-baaxoh maray sin addal yanil umam mabaahina. Qayxiixa kee gubuunul umam mabaahina. Dambi-maleelak qabal macaxina.

Ermiyaas 9:23

YALLI iyyemii: «Tu-taaxago isi ixxigat kaxxam akkale waytay. Celeema isi qandet kaxxam akkale waytay. Gaddaleela isi maalut kaxxam akkale waytay.

Yacedkel 33:14

Uma numut umam akkeleemih garci kaah kalek lakal, woo num woo umaane cabba heeh meqe taama fan gacek, rabi cokmi kaal mayamaata.

Daaniyel 4:37

Tonna leemiik yoo Nabkadnessar qaraanal yan Malik faylisaah kaa assakaxxeh. Usuk le nabnat yaabah, usuk abba heem inkih cakkik taniimiiy, kay giti cakki gita. Kaxxiina le marak kaxxiina kalu dudda le» 'yaanam iyye.

Hosiqa 12:6

Tonna kinnuk Yallay sin Dagelta kinnihiyyal eemenaay kaal uduura. Yallak kalihim maqbudina; maqaane kee qadaalat le mara tika. Yallih cato tamaatem fanah, wonnah maxcinaay annah maxcinay kaa qambaala.

Hosiqa 6:6

Anu siinik faxam, kulli way yoo takcineenimi'kkal, saq sadgatah yoh qiddaanam hinna. Anu inni marak sadgatah qiden saqih xayta carrisaanah qaydarus ruubaanam hinna'mmay, yoo akah yaaxigen innah keenik faxa.

Qaamus 5:24

Toh cabba haay qadaalat le taamah taamita. Cakkik tanim aba. Cakki baatam hinnaay; kulli way darah gexxa leeh inna.

Miika 6:9

Yallak meysita mari, kas gee mara. YALLI iyyeemih: «A magaalah mara kee a meelah maraw, axcem ankacisa.

Xafanya 2:3

YALLI aba iyyem abaah, kaal kibaal haa maraw, YALLA aqbuda. Cakkik tanim abaay, YALLAH uqunxuya. Toh abteenik, YALLI bagcarrita saaku digaalak cattintaanam takkeh.

Zakariyya 7:9

Kaak iyyeemih, «Yabtam yoo YALLAY Nabaamak Nabahiyya. Anu dumaak inni marah amri eceeh en. Keenik exceemih: ‹Qadaalatah tanim abaay, meqem tittah abaay, tittah racmata.

Yoosuwa 24:14

Yoosuwa qagseh keenik iyyemii, «Hay, taway, YALLAK meysitaay imaan kaal hayya haay, isinni afqadook kay qibaadat gaca. Sin kaxxa abbobti Furaat weeqaytuk woo qaxa kee Masril, Yallih aftok aqbuduk sugte duyyeeya maqbudinay, wonnah baaxot qida. Dibuk YALLA uqbuda.

1 Samuwel 12:23

Yoh tu gactek, kulli way dooqa siinih abeyyo. Dooqa siinih abe waam YALLAL dambi baaheemik loowinta. Tonnah kaadu abeh meqem kee gitah tanim sin barseyyo.

1 Samuwel 15:22

Samuwel iyyemii, «Hay meqehik, YALLI, amri kaak oggolaanam kee, kay sadgatah saqa qidaanamak macah lafitam kot celtaa? YALLIH garil kay sadgatah gabul le maruw qidaanamak, usuk iyyem abaanaah kay yaabat maqal haanam muxxo le.