Miika 6:6 - NABUWWA KEE MALIKWA

⁶ «YALLAY kulliimik daga raaqahiyya naqbude'gidih namaate waqdi, sadgatah gabat maca bahna? Sanatat yan mangassa cado akak carrisan sadgatah maay bahna?

Miika 6:6 ပူးပေါင်းရင်းမြစ်များ

2 Samuwel 21:3

Too waqdi Dawud Gibqon marah seeceeh keenik iyyemii, «YALLI doore marah dooqa abtaana'gidih, Saawul siinil baahe baatilik sin aymaaqem faxak, macal sin aymaaqooh?» keenik iyye.

Yasaqya 40:16

Lubnaan rasul eneyya 'ta, garboh addal tan alluwwa, tikka 'taamak yasguuden way, Yallih sadgatah qidan way, Yallih sadgat duddam hinna. Woo garbol bocok enna 'tam onkoysaanaah yafiilen way, kaxxa sola akak xisan way, Yallih sadgat duddam hinna.

Ermiyaas 6:20

Saba deqsita rasuk yoh bahtan qaydarusut anu maca waah? Hinnay kaadu, xer baaxok bahtan qibaadah-haan-sukutit faxam mayyu. Yoh bahtan sadgoota yi garil oggol siinih mali. Cado akak carrisan sadgatay yoh abtaanahiyya siinik mafaxa» 'yaanam siinik iyye.

Yacedkel 46:9

«Ummat Yallih qibaadah qiddi saaku Qibaadâ-Qari tamaate waqdi, too dooqak gaba kalla haan waqdi, kilbat le kabuk cule mari gabbi-qaxat af cabta afak yawqay. Gabbi qaxak cule mari kilbat le kabut af cabta afak yawqay. Akak culen afak awqe woonay, foocat tan afak yawqoonay.

Daaniyel 3:26

Sarrak Nabkadnessar urta muufek afah amma 'yeh iyyeemih, «Sadrakow! Meesakow! Qabednagow! Yallay kulliimik daga raaqahiyyah naqoosay eweqay!» keenik iyye. Oson too waqdi xayuk yewqen.

Daaniyel 4:9

‹Beltasaxxaraw, tu-taaxago-miraacow, kudduusuk tan yallitteh roocaaniyya kot tanim aaxigeeh, atu iginto sirri mayan. Anu uble soono koh warisu waak, teetik maqna yoh warsetto› kaak exce.

Daaniyel 5:18

Malikow, Yallay kulliimik daga raaqahiyya ku abbah yen Nabkadnessar kaxxa malik abeeh migaq kee heebatiiy nabna kaah yecee.

Daaniyel 5:21

Ummattah addak yewqeeh, kas kaak saqi kas yekke. Dabqih dibookalwa lih gaceeh laahi'nnah qayso yokme. Xiina waqdi qaraanak ooba naafi xagar kaak arquse. Sarra ellecabol Yallay kulliimik daga raaqahiyya a addunyah abbootan yamlikeeh, isih faxe marah yaceem yeexegeh.

Hosiqa 5:6

Yallih sadgatah illi kee laa qideloonu'mmay, toh tu keenit mahayta. YALLI ken cabeh ikkal, kaa mageyan.

Qaamus 5:22

Cado akak carrisan sadgat kee, daro yi migaaqal sadgatah bahtan way, anu siinik moggola. Gablusen saqih sadgat siinik moggola.

1 Samuwel 15:22

Samuwel iyyemii, «Hay meqehik, YALLI, amri kaak oggolaanam kee, kay sadgatah saqa qidaanamak macah lafitam kot celtaa? YALLIH garil kay sadgatah gabul le maruw qidaanamak, usuk iyyem abaanaah kay yaabat maqal haanam muxxo le.