Miika 6:16 - NABUWWA KEE MALIKWA

¹⁶ Tah akah takku waytam, Malik Qomri kee kay baxa Malik Acab abak sugte uma-taamah amo tibbixeenimih sabbata. Tohuk gexxaamah sin bayseyyo. Sahda inkih sin ilaaqele. Kulli baaxoh mari qunxa intit sin ablele» iyye.

Miika 6:16 ပူးပေါင်းရင်းမြစ်များ

1 Malikwa 18:4

Idebal Yallih nabuwwa qidak ten saaku, Qobadya bool nabi beyya heeh namma kontomuh ken kurra heeh gablat yooqore numuk ten. Too nabuwwah makmok maaqabu tokke baahak yen.

1 Malikwa 9:8

Away tablen Qibaadah-Qari kaxxa qari'mmay abur akkeleeh; wokkek gitah gaca mari a abur yabalu waa waqdi wariggiteloonuuh, qagabsitelon. ‹YALLI a baaxo kee a Qibaadah-Qaril annah tanim akah baahem macak tan kaa?› axcuk waagiselon.

2 Malikwa 16:3

Duma sugte Israayil amoytiitik kaxxih, Yalli niqbam abak suge. Ayrok teena Acad girat isi baxa sadgatah qide. Usuk woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih-tan qaadah gabbaaqiyyak ten.

2 Malikwa 21:3

Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak xise. Baqal elle yaqbudeeni'gidih, sadgat elle aban arooca bicse. Kaak dumal Israayil-malikih yen Acab akah abe innah, migaaqah Aseera deqsittaamay yaqbudeenihiyyah astah heenih sugen gurmudda soolise. Manasse cutuuka kaadu edde aqbuduk yen.

2 Aydaad 22:4

Kay abba rabek sarra, Malik Acab buxah mari kaadu uma fayuh kaa fayisak yenen. Tonna-leemik, Acab buxah mari akah abak suge innah, Malik-Acadya kaadu YALLAL dambi lem baahe. Toh sarra baati kaah xalte.

2 Aydaad 34:25

Kalah kaak intaanamahaa, ‹Toh akah abu waam, oson yoo cineeniih, xeet kee cooxuk isinni gabak bicsen duyye yaqbudeeniih; anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

Yasaqya 9:16

A ummatta miraacisa mari ken edde beyaanam, gita maliinooy; ken edde yabbixeenim, badambadisiyya.

Ermiyaas 19:8

Yarusalaam magaala kaxxa baatih bayseyyo. Tet yabalu waa mari teetik akah sakkitta 'ya biyaakah tet biyaakeyyo. Gari akak gaceh gexa mari, «A magaalat tekkem gibdiimih taniimi» akak inxicca 'yan baati teetit abeyyo.

Ermiyaas 25:18

Naharak, Yarusalaam kee Yuudâ-magaaloolil suggu 'ye mara kee, ken malikwa kee makaabon inkih too kobbaayat taniimik efqe. Toh akah abem, a saaku akah yanin innal, a magaalooliy oson elle sugeenihiyya num sinniih lac sinni abur takke'gidiiy; keenit tekkem yubleeh yoobbe mari, ‹Woo marat tekkem siinit takkay› axcuk sinam titta abaarinnaan waqdi, kulli way ceelalloh haan mara yakkeeni'gidi. Tonnah kaadu sinam buruttaah ilaqta mara yakkeeni'gidik ten.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 29:18

Carbi kee qulul kee dalkat qayyaawissa ken heeyyo. Kulli doolatay keenit tekkem tabalu waytahiyya inkih, taham waagissa heele. Fixixih ken elle abbixe baaxoy innih ken ruubehiyyal, taham akkih yable mari kaxxa wariggah wariggitele. Bursutan maray ilaq le ken abeyyo. Woo-marat tekkem siinit takkay axcuk, sinam abaaroh haysitan mara ken abeyyo.

Ermiyaas 51:51

‹Nee xaafeeniih qaybit radneh. Qaybih tanim net tekkeeh; wacarriyih rabna. Marin baaxok yemeete mari YALLIH Qibaadah-Qarik taahirik tan arooca culen› 'yaanam intan.

Ermiyaas 7:24

Too yaabat baaqid mahaysitinnoonuuy yok cineenih. Anu keenik excem cabba heenih, ken misinkacay yab aabbe sinni keenil teceem abak sugen. Qamal keenik gacak gace.

Yacedkel 39:26

Anu taahirik yan Dagelta kinniyom sahda aybulle'gidih, inni mara naqboytit lih elle yanin aracak ayyaaqeyyo. Ahak sarra isinni baaxoy num ken elle meysiise waahiyya uduurra 'yeenih amaanah xiinoonu waan saaku, duma yok yexxeereenim kassa haan waqdi wacarriyelon.

Daaniyel 9:16

Nanu bahne dambi kee ni kaxxa abbobti abak sugte umaanek gexxaamah, Yarusalaam magaalak cuggaaneh yan mari Yarusalaam kee ku ummatta bursuteh. Goytaw, duma kulliimik nee catak sugte. Uxih Yarusalaam magaalah maral ahaysa isi kaxxa bagcarra xabbacos. Yarusalaam ku magaala. Is ku qaley taahirik tanihiyya kinni.

Hosiqa 12:14

Israayil mari YALLAT kaxxa naqabu culseeh; tohih sabbatah kaxxa digaalah ken digaalele. YALLI, isit aben burah, ken digaalele.

Hosiqa 5:11

Israayil mari tu xiqe sinni xeet kee cooxuk bicsen duyye kaxxam faxaanamih sabbatah, xukkot yaniiniih, too digaalah biyaakat yanin.

Miika 2:6

«Isin ahaysa, a geysiisih mataqbina› yok iyya mari yan. «Yalli qaybik nee maqidak, ahamat mayaabin» yok iyyan.

Miika 6:13

Tohuk gexxaamah abuuruh sin cabbaay, bayissa sin haamih addat an. Toh akah abam, sin dambih sabbata.