Miika 5:2 - NABUWWA KEE MALIKWA

² YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.

Miika 5:2 ပူးပေါင်းရင်းမြစ်များ

1 Aydaad 2:54

Beetlacam xise Salmak rade mari, Natoofa kee Qatrot-Beet-Yowab deqsita namma aracal gacen. Kaadu Manacat deqsita aracal gace namma gulubuk Xorqi deqsita gulubuh yooboke mari, Salmak rade mara kinni.

1 Aydaad 4:4

Gadorik abba Fanyel deqsitak yen. Cuusak abba Qader deqsitak yen. A mari Cuuruk rade maraay; Cuur, Efrata xalte naharsi-baxay Beetlacamak abbah yenehiyyak ten.

1 Aydaad 5:2

Yuuda, toobokoh addal muxxo le numuk teneeh, dardaarinna le num kaak rade'mmay, naharsi-saqoolinna nagartem, Yuusufuk ten.

Yasaqya 11:1

Yiisak rade maray malikwâ-nasab le, yirgiqen caxah buxuxih bis aallele. Takkay immay woo yirgiqen caxah buxuxuy saaboh raaqehiyya saadeleh, caxah-ramiidak luddi awqele. Yiisak rade marak qusba malik tonnal awqele.

Yasaqya 53:2

Kafin-baaxoy laqaymumtal toobokeh ten caxah gide akah yenem, YALLIH garil. Xagarat kaak yablen nabnay, kaa tablem kaa elle taaxige, kay xagarat matambulla. Too misliino luk mananna. Kaa elle nassakaxxe hayba kay xagarat maballino.

Yasaqya 55:4

Dawud baadal-tan-ummattah yi-sumaq kaa abeeh, ummatta inkih miraacisaah ken amrisa num kaa abe.

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Ermiyaas 30:21

Keenih yooboke mara, abbobtih keenik abeyyo. Saqalah ken marih num keenih heeyyo. Too num innil xayyooseyyooh; yol xayyoowele. Anu innih xayyoose wee num yol xayyoowu mayalliila. Tonna leemiik isin yi mara akkettoonuuh, anu amo siinik wagita Dagelta siinih akkeyyo. Tahat yabtam yoo YALLA» 'yaanam iyye.

Hosiqa 6:3

YALLA naaxagay. Kaa naaxige'gidih, digga innay. Tonnal, barak lakal maaci maacisam akah naaxige'nnah, YALLI nel amaatelem digga hayna. Dabayba kee sugum rade rob baaxo akah doogisa'nnah, YALLI rooci nek aqusbuusele» iyyan.

Qaamus 9:11

YALLI iyyamaa, «Dawud dardaarinnay yiddigille qarih innah yiddigillehiyya edde xisu waa wakti amaatele. Gaso akak xiseyyo. Abur wadir akak aqusbuuseyyo. Duma akah suge'nnah gacseyyo.

Miika 4:10

Yarusalaam maraw, iihisa. Xalay edde xayyoowe barrah innah emreqeeqeda. Ahaysa magaalak awqettoonuuh, booxak bagul dabaaqah gacetton. Baabelon rasu sin beeloonuuh; tokkel cattiimetton. YALLI too rasul naqboytiitik sin wadele.

Zakariyya 13:7

YALLAY Nabaamak Nabahiyya iyyeemih, «Seefow, ama illi loynay yoh taamitahiyyat rad. Seefow, kaa qid; illi fixixele. Qunxa illit qeebi abeyyo.

Zakariyya 9:9

YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.

Makaabon 17:7

Too dabaanal kaadu Leewih yooboke furrayni Beetlacam deqsitta magaalay Yuudâ rasul geytintahiyyal dabqah suge.

Ruut 1:1

Makaabon Israayil baaxol dardaarak ten saaku, Israayil baaxol qulul rade. Too waqdi Alimelek deqsita num, lab-xayloh nammay kee barra gabat hayya heeh, Yuudâ-baaxok Beetlacam deqsitta magaalak Mooyab deqsita marih baaxo fan dulah gexe. Kay barra migaaqah Noqmi deqsitak ten. Teetik lab xayloh nammay kaadu migaaqah Maclon kee Kilyon deqsitak yenen. Alimelek akah yoobokem, Efrat deqsitta gulubuk ten.

Ruut 4:11

Tokkel sugte magaalah idoola kee raqqa 'ye mari inkih iyyeemih, «Nanu a saaku tekkeemih sumaq kinninoh. Digibte barra, Raacel kee Liyay Israayil ummatta akak raddehiyya innah YALLI tet abay. Efrata-gulubuk inkih gaddali koo abay; Beetlacam magaalal kaadu migaq-gexxo le num koo abay.

1 Samuwel 10:19

Samuwel qagisak keenik iyyeemih, «Kulli gadaama kee taqabik sin teyyeeqem, sin Dagelta. Takkay immay a saaku kaa cinteenih, Malik neh reedis 'yaanam yok inten. Faxxaanam toh tekkek, kedo-kedo kee gulub kee gulubuh gacca 'xicay YALLIH qibaadah-arac xayyoowa» keenik iyye.

1 Samuwel 17:12

Dawud Efrat deqsita gulubuh gacisa; Yiisa deqsita numih baxak ten. Elle yoobokem, Yuudâ rasul tan Beetlacam-magaala. Yiisa lab xaylok bacaar luk yeneeh, Saawul malikih yen dabaanal Yiisa barak idoolite numuh yen.

1 Samuwel 17:18

Qittak a tabna koxxa kaadu beyay, alfi-abbah yan numuh aceetto. Ku tooboko akah tani'nna wagga haay; tamaate waqdi ken tubleeh nagay yaniinimih asta gabat bah.

1 Samuwel 23:23

tonna-leemik hununuh edde yambooqore arooca ismitta kaak hay yol ama. Sarrak anu innih sin lih gexeyyooh; uxih rakaakayal yan kaa tekkek, inkih tan Yuudâ kedoh addak riket kaa macaba» iyye.

1 Samuwel 8:12

Tonnah kaadu, sahdak tu takkem alfi takke qaskarih abbobtih heele. Aki mara tonnah kontom takke qaskarak abbobtih heele. Sin xaylo kay buqre abqurele; kay buqrek daro orbisele. Kay silaacih-bicsat gacele; kay gaariirah-duyyeeya oson bicselon.