Miika 4:12 - NABUWWA KEE MALIKWA

¹² Toh iyya mari YALLI abam faxam mayaaxiga. Daro caffak elle meexaana'gidih inki aracal akah gaaboysan gurral, YALLI ken digaala'gidih ken gaaboysem mayaaxigan.

Miika 4:12 ပူးပေါင်းရင်းမြစ်များ

Yasaqya 10:7

«Assuuriyah malikih tu gactek, isi bagul malseemih amol yaniih, mango baaxo baysam faxak yani'mmay,

Yasaqya 21:10

Yi maraw, daro caffak baxsan waqdi elle tuman innal, sin tumeeni'mmay, away Israayil doore Dageltay Nabaamak Nabahiyyak oobbe farmo siinih warseh an. Tama siinih warsem too xaagu.

Yasaqya 29:7

Mango baaxoh maray qeebi siinit abuh maro siinit heehiyya, siinil bar tublen soono akkele.

Yasaqya 55:8

YALLI iyyaamah, «Anu acsubem kee isin tacsubeenim inkim hinnaay; anu abam kee isin abtaanam inkim hinnam taaxigeenim meqe.

Ermiyaas 29:11

Siinih looweh an maqaaneh adda taaxigem yooy; siinih looweh abbixem, siinih meqe niqmata'kkal, sin biyakta umaane hinna. Takkay immay amaan akak geettoonuuh, isin geenno axcuk qambaalitak sugten maqaane akak geetton.

Ermiyaas 51:20

Yalli iyyemii, «Baabelon maraw, qeebi edde absiisa silaacah sin luk suge. Qeebi edde aba birtah luk sugem siini. Doolat sin gabat bayisak suge.

Ermiyaas 51:33

Macaay inteenik, YALLAY Nabaamak Nabah, Israayil doore Dagelta kinnihiyya iyyeemih, «Baabelon-magaala itqat daro elle yaggilen arac tekkeh tan. Away tet itqat aniyo'mmay, teetit garuq edde yakku waa wakti xayih» iyye.

Ayyuqel 3:2

Too waqdi, baadal tan ummat inkih gaabossa heeh, YALLIH Cokmih-Daqar baaheyyo. Tokkel Israayiliy yi mara kinnihiyyal bahha heenimih keenik malkiteyyo. Israayil mara marin baaxo fixixisen. Israayil rasuy yim kinnihiyya kurraasiteenih.