Miika 4:10 - NABUWWA KEE MALIKWA

¹⁰ Yarusalaam maraw, iihisa. Xalay edde xayyoowe barrah innah emreqeeqeda. Ahaysa magaalak awqettoonuuh, booxak bagul dabaaqah gacetton. Baabelon rasu sin beeloonuuh; tokkel cattiimetton. YALLI too rasul naqboytiitik sin wadele.

Miika 4:10 ပူးပေါင်းရင်းမြစ်များ

2 Malikwa 20:18

Ku abuusay kok radu waahiyya seewah beeloonuuh; ken seelabba heenih Baabelon-malikih gasoh addal ken tamsiiselon.› Taham intam YALLA» kaak iyye.

2 Malikwa 25:4

Too waqdi magaalat maroh yan gidaar boohayseenih. Baabelon-mari magaala marot abbaxuk yene'mmay, tohuh, Yuudâ-malik kee qaskar inkih barat edde kudde. Kuden waqdi gitah malik buxah bustaan elle yen aracak namma gidaarak fan-fan gacca 'yeenih Ordon weeqaytu fan gexen.

2 Aydaad 33:11

Tonna-leemiik YALLI Assuuriyah qaskarih abbobti Yuudâ rasu akah yabbixen innah abe. Too mari Manasse yibbixeeniih, sanat santiita kaak hayyaay nacaasak bicsen silsilatat uxuyya kaa heenih, Baabelon rasu fan kaa been.

2 Aydaad 36:20

Rabak raaqe mara Baabelon rasu fan seewah orbiseeh; tokkel Fursi-malik reedda 'yam fanah, Baabelon malik kee kay marih gubal ken akdamuk sugen.

2 Aydaad 36:23

Too warkat axcuk teneemih, «A warkatal yan amri taceem, yooy Kooris migaq leeh Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee. Tonna'mmay ta saaku YALLIH maraw, tokke gexaay; YALLI muquk sin beyay» 'yaanam elle ten. Taham akkelem kaadu YALLI dumaak nabi Ermiyaas afat warseh suge.

Yasaqya 43:14

YALLAY sin wadahiyya iyyam le. Israayil doore Dageltay *Kudduusuk yani siinik iyyamaa: «Sin taagah, Baabelon fan amri ruubeh an. Oson inkih dabbô-mara akkeloonuh, ken maraakibiy kaxxam edde yakkaleenihiyyat kudelon.

Yasaqya 45:13

Kooris ugussem yooy; akah ugsem, gital tanim aba'gidi. Innih faxam kay gabat absiisa'gidih kaa ugse. Usuk edde gexxa 'ya gita missoyseyyo; yi maray seewah beenihiyya usuk gacsele. Yarusalaamay yi magaala kinnihiyya nammay haak xisele. Tah aba'gidih, tu kaah maacinniyooy; ah aba iyyeh guqul kaah yecee mari mayan. Tahat yabtam yoo YALLAY Nabaamak Nabahiyya» 'yaanam iyyah yan.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Ermiyaas 13:4

‹Gexay ama saro beyya haay, Furaat weeqaytuk xaqut tan forqoh fanat rub› yok iyye.

Ermiyaas 15:21

Umeynit kee sarri-leelak anu innih koo cateyyo; inni dacayrit koo heeyyo. Tahat yabtam yoo YALLA» yok iyye.

Ermiyaas 4:31

Lacaw edde yemeete barrah xongoloh innah tanim yol radda. Naharsi-baxa xalta barra abta xongoloh bis le xongolo yol radda. Toh Yarusalaam mari abah yan weqweqsinto. Gaba deerih loonuuh, ‹Baati net tekkeh, bayneh nan! Nee selu waa mari mamaatat yan› iyyan».

Ermiyaas 48:41

Ken magaalooli kee megdebih lon arooca inkih antixibbixele. Too saaku Mooyab mari cunxoh, lacawat tan barrah inna assaallelon.

Ermiyaas 52:27

Ribla deqsita arac elle geytimam, Camat rasu. Tokke ken baahen saaku, malik ken qidsiiseh. Yuudâ mara seewah elle beenim tonnak ten.

Hosiqa 1:10

YALLI iyyeemih, «Takkay immay Israayil mari loowo akak duudume waytah gide akkeloonuuh; mangah baddi-afih qiddeh gide akkelon. Anu, ‹Yi mara hinniton› keenik elle exce ikkel, wadir inni mara ken abeyyooh, Yallay waarahiyyah xaylo akkelon.

Hosiqa 13:13

Israayil mari kas weeh, meqe mano cineenih; inâ-bagut yan baxay awqe cine yekken.

Hosiqa 2:14

YALLI kaadu qagseh iyyeemih, «Wadir woo elle sugte bacarik tan baaxo fan tet gacseyyo. Tokkel teetih liyoh an kacanu teetih warisu waa waqdi, yol aduurele.

Miika 5:2

YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.

Miika 5:3

Barra lab-baxa xaltam fanah, YALLI isi marat darre cabele. Tohuk lakal marin baaxol keenik yan mari isi baaxo fanah aduureleeh, isi marat angalele.