Miika 3:5 - NABUWWA KEE MALIKWA

⁵ YALLI sinam duquurussa nabuwwah farmo ruube. Oson guquluh lakqo keenih yecee marak, ‹Tu sin maxagtaay, amaanah xiinettoonu› iyyaanaah; lakqo keenil kalita marak, ‹Carbi siinit akkele› iyyan.

Miika 3:5 ပူးပေါင်းရင်းမြစ်များ

Yasaqya 3:12

Urri yi ummattat xukkutah yanih; agbi ken amol yan. Yi ummatey, sin miraacisa mari sin duquurusah, makot sin beyan.

Ermiyaas 23:27

Duma ken abbobti Baqal akak iyyan duyyeh qibaadat gacca 'yeenih yok elle yexxeereenih sugen innal, a saaku kaadu oson edde yaaban soonot yi mara yok yayxeereenim faxan.

Ermiyaas 23:32

Ummatey, anu siinik axcem ankacisa. Yok amaate wayte soono ‹Yallak nel temeete› iyyaah; anu keenik axce weem ‹Yalli nek iyye› iyya maray nabuwwa kinnino iyyak naqboytah yan Dagelta kinniyom yok ixiga. Ta mari isih edde yan mako hinna'mmay, ummat yok makot beyan. Akke waanaah gideh isinni haan. Ken rubtem yoo hinna. Farmoy keenil ruube mayyu. Ken kee oson bahneh iyyan farmo, ummatah xiqtam le farmo hinna. Tahat yabtam yoo YALLA kinni» 'yaanam iyye.

Ermiyaas 6:14

Yi marat tekkeh tan diglok, ‹Ah tu hinna sahalih taniimi› iyyan. Ane sinni nagaynak, ‹Baaxo nagaya! Umaanek tanim mali› iyyan.

Ermiyaas 6:4

Too waqdi, «Yarusalaam tabbaxoonuh bical gaca! Wallaqenti yakke waqdi qeebi teetit abennok bical gaca» axcelon. Carri yakke waqdi, «Ahaysa bari yekkeh yaniih udurrunneh nanik, bar keenit abnay; inkih yan bar nee xiqelek. Magaalat koositih bicsen arooca baysenno» axcelon.

Yacedkel 13:9

Able ween wacyi ‹Nubleh› iyya maray sahda makot beyahiyyaw, sin digaalu waah an. Isinni baaxo fanah mataduuran. Yi mari mabloh maro hayu waa saaku, wokkel mageytimtan. Israayilih yooboke marih loowot magactan. Anu YALLA kinniyom too saaku yok aaxigetton» iyye.

Hosiqa 4:5

bar kee laqo adaf sin geeleeh; nabuwwa kaadu sin innah andafoofele. Inâ baaxo siinik bayseyyo.

Ayyuqel 3:9

Kaadu qagseh iyyemii, «Taham baadal tan ummatah warisa. ‹Qeebih bical gaca. Qeebi abta gaadileh seeca. Qaskar gaaboosaay gaaduh uguta.

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Malaaki 2:8

«Tonna'mmay seekay, isin ta saaku cakki gitak tewqeeniih, isin sinam barissan qilmi ummat makot beyam baahe. Anu sin lih haysite qahdi makteenih.