Miika 3:12 - NABUWWA KEE MALIKWA

¹² Sin sabbatah Siyon-qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele» iyye.

Miika 3:12 ပူးပေါင်းရင်းမြစ်များ

Yasaqya 32:14

Macaay inteenik, malik qari foyya akkele. Mango xongolo elle radak ten magaala abur akkele. Amo xer qariy magaala akak dacrisak sugeenihiyya foyyah raaqele. Too aracal dabookalwa kee laa aloolele.

Ermiyaas 22:5

Takkay immay yi amri oggole wayteenik, malik-qari abuur abeyyoomuh inni migaaqal siinih xiibita. Tahat yabtam yoo YALLA› 'yaanam siinik iyya.

Ermiyaas 22:6

«Yi garil, malik-qari Lubnaan qaleela kee Gilqad rasi qaxah leh gide le. Takkay immay too qax-maqaane le qari bayissa heeh, abur kaa abeyyoomuh inni migaaqal xiibita.

Ermiyaas 26:18

«Ciskiyyaahu, Yuudâ-marak malikih yen saaku, nabi Miika deqsita nabiy Moreset rasul yoobokehiyya ummatah inkih YALLI kaak inxica iyyem warseh yeneeh, too nabi too saaku iyyemii, ‹Siyon qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele› iyyeh yen.

Ermiyaas 35:17

Tahaysa yoo YALLAAY, Nabaamak Naba Dageltay Israayil doore kinnuk, siinik axcemii, Yuuda kee Yarusalaam magaalah maraw, siinil ruubeyyo exce bala, akah exce'nnah, siinil ruubeyyo. Sin lih yaabeeh; aabbe cinteenih. Siinih seeceeh; maqal yok edde mahannitoonu'mmay, tahaysa bala siinik raq malim ixiga› 'yaanam keenik inxic» yok iyye.

Ermiyaas 44:2

«Keenik intaamah, ‹Yoo YALLAY Nabaamak Nabah, Israayil doore Dagelta kinnihiyya, Yarusalaam-magaalal oobise bala kee, raqqa 'te Yuudâ-magaaloolil ruube bala isinnih tubleenih. A saaku woo arac num kee lac sinni abuuruh yan.

Ermiyaas 52:13

Too waqdi YALLIH-Qibaadah-Qari kee, malik-qari kee, kaxxa-marih-qarwat inkih gira ruube. Meqe xisne le aroocat inkih gira ruube.

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Miika 1:6

Tahih giddinaamak YALLI iyyeemih: «Samaariya hunah tan baaxoy qinab elle yaabukehiyya abeyyo. Taddigille qarwak radu waa xeet kee coox golot qideyyo. Qarwak rakiibo abuuruh raaqele.