Miika 2:7 - NABUWWA KEE MALIKWA

⁷ «YALLIH sabri gaba kalem maay takkalee? Annah tanim abelem mannal kot celta?» 'yaanam yok iyyan. Yaqkuubuk rade mara kinnino iyya maraw, annah tanim intaanam mafaxxinta. Yalli tohuk siinik iyyeemih, «Cakkik tanim aba marak meqem axce.

Miika 2:7 ပူးပေါင်းရင်းမြစ်များ

Yasaqya 50:2

Anu inni mara wada'gidih gexe saaku, yi mari isi aracal akah suge weem macaa? Keenih seece waqdi, inki num kinni-way tu yol magacsinna. Anu ken catam yaffare Dagelta maay kinniyo? Ken wadaamih cayla mayyu innaa? Tonna hinna'mmay, badak ‹Badow, kaf› 'yaanam afak excek, bad kafsa Dagelta kinniyo. Lee darah elle gexak sugte baaxo bakarroytah gacsa Dagelta kinniyo. Woo leeh addat suge kullum gubbil raaqa waqdi, abicaah, lee wayya heeh bakaarah raba.

Yasaqya 58:1

YALLI iyyaamah, «Anay fayya haay! Baantah innah kaayey! Yaqkuubuk rade maray yi mara kinnihiyyak, ‹Yalla cinteenih dambit assen› inxic.

Ermiyaas 15:16

Atu yok intam qangara qangarah kok aabbe. YALLAW, Nabaamak Naba Dageltaw, anu ku num kinniyo. Tonna leemiik ku qangara bagu yok ruffa hayta.

Ermiyaas 2:4

Ermiyaas ummatak iyyeemih, «Yaqkuubuk radeeh Israayilih yooboke maraw, YALLIH qangara ankacisa!

Hosiqa 14:9

Kas le mari a kitaabal yan yaabat radeleeh, afqadot raaqisele. YALLIH giti, cakkik yan gita. Cakki gitat gexa mari kay gita kataatele. Dambileelaay a yaabat baaqid mahaytaay, tohih sabbatah, kay giti adaf keenil yakke.

Miika 3:9

Tonna'mmay, Israayil abbobtik, isin yoo ankacca haay, siinih warsam yok oobbeya. Isin qadaalat qansiisa mara hinniton. Gitah tanim makot abtan.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.