Miika 2:4 - NABUWWA KEE MALIKWA

⁴ Woo ayro siinit takkem yabalu waa mari qadar siinil abele. Iyyoonu waanamah, ‹Gaba kalleh, foyya nekkeh nan! YALLI baaxo nee waysiiseh yan; qaduwwi nek yan marah yecee› iyyaanam anqaasah siinik axcelon» 'yaanam iyye.

Miika 2:4 ပူးပေါင်းရင်းမြစ်များ

2 Samuwel 1:17

Sarrak Dawud Saawul kee Yonaatan arkah boogiseeh iyyeemih,

2 Aydaad 35:25

Nabi Ermiyaas nadaamah yan qadar kaah abe. Tohuk wadir Israayil rasul kaah rookitan saaku, agabu kee labha a qadar edde haytam qaadah haysitteh raqte. Woo qadar, rookâ-qadar elle gaaboysan kitaabal geytima.

Yasaqya 14:4

YALLI toh siinih abu waa waqdi, Baabelon baaxoh malik missilah haysittoonuuh, intoonu waytaanamah, «Racmatta sinni malik yinnikisseeh, ahaysa sahdat maxukkuta.

Yasaqya 24:3

Baaxo inki gexook bayele. Tet bagul yan marat kaxxa buuba akkele. Tahat yabtam YALLA. YALLI iyyem raq mali.

Yasaqya 6:11

Too waqdi anu kaak exceemih, «YALLAW, ah magide fan sugtu waytaamaay?» exce. Too waqdi usuk yok iyyeemih, «Magaalooli inkih abuuruh raqqaay foyya tikka intam fanah akkuk sugeleeh, tonnah kaadu, qarwa sinaamak foyyah raqqaay baaxol sugtem inkih bayya intam fanah akkuk sugele.

Ermiyaas 14:18

‹Afah ewqek, qeebit rabe marih raysa able. Magaala gexek, qululuh raba mara able. Nabuwwa kinnino axcuk suge mara kee seeka kabuk kabul gexak isinni taama abaana'mmay, tu mayaaxigan› keenik inxic» yok iyye.

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Ermiyaas 6:12

Oson dabaaqah edde sugen qarwa marah raaqele; ken buqre kee ginnaaqot luk sugen agbih agantah marin mari nagrele. Ken digaaleyyooh; yi gaba ablelon. Tah intam yoo YALLA.

Ermiyaas 8:10

Tohih sabbatah oson luk sugen baaxoy buqre elle abaanahiyya, marah keenik aceeyyo. Gennaaqoh agabu keenik marah aceeyyo. Macaay inteenik, kaxxa num kee qunxa num keenik marin duyye dulmih elle beyan innih malat yan. Nabuwwa kee seeka kinni way sinam duquurussaah sinaamal dirab taceem bahte.

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Ermiyaas 9:16

Duma ken kee ken kaxxa abbobti able wayteeh aabbe wayte baaxoy oson kaadu ahaydumah aabbe weeniih able weenihiyya fanah ken ruubeyyo. Tokkel aaxige waan marih addal ken fixiixiseyyo. Saabo cabba haanam fanah, ken seltu wayta qaskar keenit ruubeyyo» iyye.

Yacedkel 16:44

Yalli iyyeemih, «Yarusalaamey, sahda missilah koo haysitte. Kok iyyaanamah, ‹Baxá lem inah caala› kok iyyan.

Yacedkel 2:10

Woo gabaa, kutbe elle tan arabay xambabbaqut yanihiyya foocal yok fakka hayte. Too arabak namma bagul inkih takku wayta xarraqa kee rooka kee booge elle tunkuttubeh ten.

Ayyuqel 1:13

Hay tonnal, isin seekay sadgat elle aban aracih foocal taamittahiyyak, *qabuudut gacca 'xicay rookita. YALLIH Qibaadah-Qarih addal inkih yan bar rookitak xiina. Ahaysa Yallih sadgatah baahak tenen daro kee kamri gaba kaleh.

Ayyuqel 1:8

Baqli akak rabe qibnah innah, boogisaay rookâ-sartan sarita.

Qaamus 5:1

Qaamus kaadu qagseh iyyemii, «Israayil ummatey, siinit takku waytaamah takke booge ankacisa.

Qaamus 5:17

Qinab elle aysubukuk yenen baaxol ummat weeqat sugele. Ah siinit akah takkem, anu sin digaala'gidih sin adda gace waqdi. Toh intem YALLA» keenik iyye.

Miika 1:15

Maresa deqsitta magaalah maraw, YALLI naqboytiitih siinik yan marih gabal sin heeleeh; too mari magaala siinik abbixele. Israayil makaabonuy kaxxa migaq gexxo luk tenehiyya Qadullam deqsita aracal tan gablah addat ambooqorelon.

Miika 1:8

Miika iyyeemih, «Tahamay siinit takku waytahiyyah sabbatah, anu rookat an, siinih qaadah. Siinih qaadaah, rookitam yok elle taaxagoonuh, ibqasih gexeyyooh, qasunuk baaxo meekiteyyo. Goroyyah innah kak axceyyo. Wakrih innah wiq axceyyo.

Miika 2:10

«Tonna'mmay ahaysa a baaxol amaan mageytaanak, ugutay gexa. Isin abtan dambi a baaxo bayseh.

Cabakkuk 2:6

A saaku qeebil akak yeysen mari keenil anqaasak maaciseloonuuh, ken bursutelon. «Garaqtan duyye gaaboysaah, marak bukkuse duyyet gaddalite maraw, woyyow siinit takku waytaamow!» keenik axcelon. «Garqiino abaah, mago bee marak dulmil mago gacsa maraw, aham fan gaddalitteenih. Annal hay, magid fan sugtoonu waytaanah tanin!» keenik axcelon.

Xafanya 1:2

YALLI iyyeemih, «A baaxoh bagul enna 'tam inkih bayseyyo.