Miika 1:8 - NABUWWA KEE MALIKWA

⁸ Miika iyyeemih, «Tahamay siinit takku waytahiyyah sabbatah, anu rookat an, siinih qaadah. Siinih qaadaah, rookitam yok elle taaxagoonuh, ibqasih gexeyyooh, qasunuk baaxo meekiteyyo. Goroyyah innah kak axceyyo. Wakrih innah wiq axceyyo.

Miika 1:8 ပူးပေါင်းရင်းမြစ်များ

2 Malikwa 18:13

Ciskiyyaahu Yuudâ-malik edde yekkeemih taban kee fereyhaytô sanatat, Assuuriyah-malikiy migaaqah Sanceerib akak axcuk yeneenihiyya, inkih tan Yuudah-magaalooliy maroh gasoosa edde sugtehiyya qeebit yibbixe.

Aster 4:1

Mordakay tekkem yoobbe waqdi, sara isik qanxise. Sarrak sartanah *qabuddat gaceeh, amol gombod isik caxe. Tohuk lakal boogisak magaalak adda gacca 'yeh gexe.

Yasaqya 13:21

Dubaali dabqih elle yaniih, inin qarwa elle xissita arac akkele. Goroyyak dabqi akkele; dabeeli-ceelo le ginni addal akak meekitele.

Yasaqya 13:22

Teetil tan qarwa kee doolat buxaaxil yangula kee wakrih anay qalê-berri innah elle xongolele. Baabeloonut wakti yemeeteh, ahaysa kaxxam masugta» iyye.

Yasaqya 16:9

Tohuk gexxaamah, Yaqder-mari Sibmâ-qinabah akah weeqa innah, anu kaadu weeqah. Cesbon kee Elqaaleh ximo yok tamaate. Macaay inteenik, ummatta ruffo hayta daroy orbisaanahiyya mabla; ummatta ruffo haa kudaar mayan.

Yasaqya 21:3

Taham acsube waqdi, xagar yok kaxxa biyaakah biyaakita. Lacawat tan barrah innah biyaakita. Aytik oobbeemik meysi yoo tibbixeeh; intih ubleemik cunxita.

Yasaqya 22:4

Tohuk gexxaamah excemii, «Kaxxa weeqah weeqam faxak, wonnah yok gaca. Anay yoo 'xica; inni maray rabehiyyah weeqay yoo inxica. Weeqe yoo makalina» exce.

Yasaqya 32:11

A saaku farcaanak yan agabow, meysita! A saaku nagay yanim isik yakkale agabow, gadaamitettoonum ixiga! Sara isinnik kalay *qabuudut gaca.

Ermiyaas 4:19

Ermiyaas iyyemii, «Anu woyyow, kaxxam keenih biyaakitah an. Woyyow yi ulqow! Ulqi ah yok xiqah mayan! Qeebih yamaate mari aba tirtira kee baantah ugura yol raddah taniih; aham aabbih tibba axcem yoh takkeh matan.

Ermiyaas 9:1

«Yi ummattay tambaxem faxxahiyyah bar kee laqoh weeqa'gidih, moyya kee intiita yok ximo akak racta raceyna takkem faxe raare.

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Ermiyaas 9:19

Ankacca haay! Siyoonul booge tantaabbeh tan. «Bayneeh; qaybit radneh nan. Magaala cabneh genxam nek faxximta; ahaysa buxaaxi nek abur tekkeh tan» 'yaanam iyyen.

Yacedkel 32:18

«Bani-adantow, a axxul le Masri marah boogis. Keenik kalah yan mara lih ken hayya haay, akeera fan ken rub. Dite le kabri oobe marat yengeleeniih, woo boodo fanah oobelon.

Miika 2:4

Woo ayro siinit takkem yabalu waa mari qadar siinil abele. Iyyoonu waanamah, ‹Gaba kalleh, foyya nekkeh nan! YALLI baaxo nee waysiiseh yan; qaduwwi nek yan marah yecee› iyyaanam anqaasah siinik axcelon» 'yaanam iyye.

1 Samuwel 19:24

Tokkel gersi marak kaxxih dallaabiyay edde suge isik kalla heeh Samuwel foocal nabuwwah innah yaabakaay xongolak yen. Laqo kee bar inkih tonnal inaaqat suge. «Saawuluuy kinni way nabi yekke kunna!» 'yaanamih missili tokkek raaqe.