Miika 1:6 - NABUWWA KEE MALIKWA

⁶ Tahih giddinaamak YALLI iyyeemih: «Samaariya hunah tan baaxoy qinab elle yaabukehiyya abeyyo. Taddigille qarwak radu waa xeet kee coox golot qideyyo. Qarwak rakiibo abuuruh raaqele.

Miika 1:6 ပူးပေါင်းရင်းမြစ်များ

2 Samuwel 17:13

Magaala fan kudu waam nublek, ni mari akoota baaheleeh, woo akootat woo magaala hirigak ragidiik siibba hayneh goloh addat tet qidenno. Woo magaala elle tan qaleh amol inki xaa kinni-way maraaqa» kaak iyye.

2 Malikwa 18:10

Samaariyat maro heenimih sidiica sanat yekke saaku, Samaariya boolatteh. Taham edde tekkem, Ciskiyyaahu reedeemih laca sanat tikka 'ye saakuk teneeh; Hosiqa reedeemih kaadu sagla sanat yekke saakuk ten.

2 Malikwa 18:9

Ciskiyyaahu reedeemih fereyhaytô-sanat yekkeeh; Malik-Hosiqa Israayil reedeemih kaadu malcinhaytô-sanat yekke saaku, Assuuriyah-malikiy Salmaneser deqsitahiyya Samaariyah-magaalat qeebi abeeh teetit maro hee.

2 Malikwa 19:25

«Anu aham dumaak takku waytaamal malseh sugem maabbito'nnaa? Away woh absissem yoo. Woo gasoosa maroh edde tan magaalooli riira edde abte qande koh teceem yoo.

Yasaqya 17:1

Damaskoh giddinaamak ruuben farmo ah teeti. YALLI iyyemii, «Damaskoh magaala ahak wadir magaala matakkay abur akkele.

Yasaqya 25:12

Mooyab mari reebu le aroocay kaxxa gasoosa le bayele. Addigilleleeh, bullaaqet angalele.

Yasaqya 25:2

Magaala huna abte, YALLAW, suge wayteh innal cabte. Gasot maroh tan magaalay naqboytak waaso luk sugte abuuruh cabteh, huna abte. Marin marih kaxxa qarwa duma elle sugte magaala suge wayteh innal cabte. Too magaala tohuk wadir nammeyhaak way maxissimta.

Ermiyaas 31:5

Ahak sarra Samaariyah qaleelal qinab coox aysubukettoonuuh; too coox yuysubuke mari too cooxih xaylo akmele.

Ermiyaas 51:25

Qagseh iyyemii, «Baabelon maraw, qalê-gideh gacca 'teenih inkih tan ummat bayisseenih immay a saakuk wadir sin naqboyta kinniyom yok ixiga. Tahak wadir gaba siinil heeyyooh qalê-gidey akah sugteenik foyyah cabba sin heeyyo. Gomboduh gacissa sin heeyyo.

Ermiyaas 51:37

Baabelon abuuruy wakarwa elle gactu waytahiyya abeyyo. Yable mari, ‹Ces wonnah, able wanninoy› akak iyyan rasu tet abeyyo. Sahdayti dabaaqah teetil magaca.

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Yacedkel 13:14

Isin noora elle hayten gidaar bayseyyooh; gidaarak guba rakiiboh heen xeet qasunuk raqqa 'yam fanah, bututtukku heeyyo. Gidaar rada waqdi, isin addat akak bayetton. Anu YALLA kinniyom too saaku yok aaxigetton.

Hosiqa 13:16

Samaariyah mari yi yab cineemih sabbatah, digaala keenil tamaate. Xaylo keenik carbit rabele. Qunxa urri keenik xeetil tafqelon. Bagut le agabuk bagu fakelon» iyye.

Qaamus 5:11

Masaakiinah cakkit taaqiteeniih, daro keenik dirkih beyya haytaanah, isinnih haysittan. Tonnal, ama gabah oren xeetik bicsitten qarwat buxah magactan. Meqe qinab tuysubukeenih taniini'mmay, tuysubuken qinabak bicissen maqab mataaquban.

Qaamus 6:8

Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.

Miika 3:12

Sin sabbatah Siyon-qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele» iyye.

Cabakkuk 3:13

Akah temeetem, Dageltaw, isi-ummatay dumaak doorte catta'gidiiy wadda'gidi. Umeenitik abbah yen num bayisseeh, taqqa kaat inte. Kay qaskar kaa'lih finqisse.