Miika 1:5 - NABUWWA KEE MALIKWA

⁵ Tah inkih akah takku waytam, Israayil mari edde ase dambih sabbata. Israayil mari Yallih yab cineh. A mara dambit asissem iyyaay? Keenik inaytah tan Samaariyah magaala. Yuudâ-rasul xeet kee cooxut aban qibaada ankeey? Yarusalaam magaala.

Miika 1:5 ပူးပေါင်းရင်းမြစ်များ

1 Malikwa 11:7

Yarusalaamak ayrô-mawqa le kabu raqta qalel, Kamos deqsitta umâ-yabulih tan duyyey Mooyab mari Yallih aftok aqbuduk sugehiyya elle yaqbudeeni'gidih arac keenih bicse. Tonnah kaadu, Qammon mari yallah le Milkom deqsittaamay umâ-yabulih tanihiyya elle yaqbudeeni'gidih arac keenih bicse.

1 Malikwa 13:32

Usuk Beetal elle yan sadgat-arac kee Samaariyah baaxol geytinta magaaloolil qibaada elle aban aroocay fayyat raqtahiyyah qaadak edde yaabe yaabay YALLI kaak inxica iyyehiyya nummak maacisele» iyye.

1 Malikwa 16:24

sarrak Samar deqsitak yen numuk lica alfih garsih kooma xaame. Woo koomat maro heeh sarrak tokkel magaala xise. Too magaalak migaaqah Samaariya iyyeeh; elle muggaaqisem, kooma akak xaame numuy Samar deqsitak yenehiyyak ten.

2 Aydaad 34:3

Malik yekkeemih bacarhaytô sanat gufe saakuy qunxa furraynuh yanihiyya isi kaxxa abba Dawuduk kaxxih, Yallih qibaadat gace. Affara sanatak lakal, diini-maleela qibaada elle abak sugte aroocay fayyat raqtahiyya baysam qimbise. Aseera deqsittaamay yaqbudeenihiyyah astah heenih sugen gurumuuda kee, tohuk kalah tan duyyeeyay Yallih aftok aqbuduk suggu 'yeenihiyya baysam qimbise.

2 Aydaad 34:4

Baqal akak iyyaanamay yaqbudeenihiyyah heenih sugen sadgatih arooca kee too aroocak garil sugte qaydarus elle qeerisan mansafwa, kay foocal, bayissaay bututtukka heen. Aseera deqsittaamay yaqbudeenihiyyah astah heenih sugen gurumuuda kee, wohuk kalah tan duyyeeyay xeet kee cooxuk bicseenihiyyay Yallih aftok aqbuduk sugeenihiyya bututtukkay riira abba heenik wadiril, woo duyyeh qibaadah sadgat abak suge marih kabril caxen.

Yasaqya 7:9

Israayil tet inaytah magaalah tan Samaariyak qandeh mataysa. Samaariya kaadu Ramalyaahû-baxak qandeh mataysa. Imaanal digga axce wayteenik, isin kaadu digga mantan» 'yaanam Yasaqyak iyye. Yasaqya too farmo Acadah warse.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 23:13

Duma Samaariyah rasul nabuwwa kinnino iyya mari abe umâ-yabulih tanim ubleh suge. Baqal migaaqal, ‹Woh akkeleeh ah akkele› axcuk sugen. Ta mari yi mara gitak hoxseeh, makot ken beyak yenen.

Ermiyaas 23:14

Takkay immay Yarusalaamal yan maray sinam nabuwwah le wohuk gactam abah able. Too mari dalwa abaah diraabat yaaba. Uma-taamak sinam akah aade wayta'nnah, umam sinam barsan. Ta mara kee Yarusalaamal yan mari inkih yi garil Sodom kee Gomorral suge marak baxsa maliiy too marih intit ken able.

Ermiyaas 4:18

Hay Yuudah-ummatey, aham isin isinnih isinnil bahteenimiiy, sin qamalah siinit tekkeemi. Taham sin dambih siinit tekkeemi'mmay, salfa siinil matallay siinit qeerootele. Gilet muden afqadoh innah, siinik dananele.

Ermiyaas 5:25

Isin abtan dambi kee umaane, ta maqaane sin gee kalteh.

Ermiyaas 6:19

Addunyal tan ummatey, yoh oobbeya! Oson abba heenimih digaalah, a maral bala ruubeyyo. Oson baaheenimih ken digaalah an. Anu keenih ruube xinto cineeniih yi qangarah ayti yacoonu cineenih.

Yacedkel 16:46

Barah kok naba ku maqanxáy Samaariya deqsittahiyya kee tet xaylo dabaaqah-elle-tanim, atu elle tani'kkek kilbat le kabut raaqa araca. Kok qunxa maqanxá kee dariifal tan gaandoodiy gabbi-qaxat kok raqtahiyya, migaaqah Sodom deqsitta.

Hosiqa 7:1

YALLI iyyeemih, «Israayil ummatay yi marah tani catam faxaah, maqaane keenih abam faxinnaan waqdi, aaminnaan taama kee gacca intaamat asah ken able. Titta ayrisan. Sahdâ-buxaaxi garqan. Sahda giti addal radan.

Qaamus 6:1

Qaamus kaadu iyyemii, «Siyoonul meqe manoh tan abbobti kee, Samaariyal raacatat tan abbobtiy, siinit takku waytam abletton. Israayiliy kaxxa doolatah tanihiyyak kaxxa mara kinniton. Catoh sinam siinih tamaateemih, siinit takku waytam abletton!

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.

Qaamus 8:14

Too ayro Samaariyal tan ceelo iyyaah Daan mari yaqbudem iyyaah, Bersabaq-dageltaw axcuk yaqbuden duyyeh migaaqal xiibita mari inkih bayele. Too baatik muugutan› 'yaanam yok iyye» iyye.

Miika 1:13

Laakis magaalal yan maraw, faarisit gaari xakabaay, edde kuday isillima. Israayil mara abah tublen dambi ken kataatak abteeniih, Yarusalaam mara dambit asissen.