Miika 1:4 - NABUWWA KEE MALIKWA

⁴ Yallih itqat too qaleeli, samqiiti-innah diyaayele. Too qaleelak ooba diyay, leeh innah daqar oobele.

Miika 1:4 ပူးပေါင်းရင်းမြစ်များ

Qaamus 9:5

YALLAY Dagelta kinnih, Nabaamak Nabahiyya baaxol inti haa waqdi, baaxo diyaayak sutta inta. Niil weeqayti leek yamagge saaku elle koramkorsima'nnal, baaxo kabuk kabul koramkorsimta. Teetil yan mari inkih weeqa.

Naacum 1:5

YALLIH foocal qaleeli kadiidimitah. Kooma kay foocal diyaytah. YALLIH garil baaxo axaxxah. Addunya kee addunyâ-bagul enna 'tam inkih axaxittah.

Cabakkuk 3:10

Qaleeli koo yuble waqdi, kok cunxiteeh, axaxiteh. Qaraanak kaxxa rob radeh; baaxol sugga 'tem duufut bee. Baaxok guba tan lee muxxe; weeqi kaxxa haffo baahe.

Cabakkuk 3:6

Kay soolol baaxo tangayye. Inkih tan ummat kee ayyunti, kay wagittol axaxita. Addigille wayta qale kay wagittot riira takke. Dumî-dabaanal, xer saaku, usuk edde gexe gital sugte koomaami sutta inteh.

Zakariyya 14:4

Too ayro YALLI Yarusalaamak ayrô-mawqa le kabut raqta Madeera-li deqsitta qalel gacele. Too qale ayrô-mawqaak ayrô-culma fan namma ikkel kurruumeleeh, fanal kaxxa daqar akak awqele. A qalek garab kilbat fanah angayyeleeh, garab gabbi-qaxal angayyele.

Makaabon 5:4

YALLAW, Seeqir qaleela cabteh gexxe saaku, Edom deqsita rasuk tewqe saaku, baaxo tengeyyeeh qaraanak rob radeh; qamburreh addak lee caxitte.