Miika 1:1 - NABUWWA KEE MALIKWA

¹ Yootam deqsita malikiiy Acad deqsita malik kee Ciskiyyaahu deqsita malik Yuudâ-rasul itta kataatak dardaaren saaku, YALLI Miika deqsita nabiy dabqih Moreset deqsitta magaalal yenehiyyal farmo ruube. YALLI too farmol Samaariya kee Yarusalaamat takku waytam kaa yuybullee.

Miika 1:1 ပူးပေါင်းရင်းမြစ်များ

2 Malikwa 15:32

Fekac Israayil-malik edde yekke nammayhaytô sanatal Quddiyya-baxi-Yootam Yuudâ-malik yekke.

2 Malikwa 15:5

YALLI kaxxam gibdi dalkay arab takmehiyya Quddiyyal ruubeeh; too dalka rabba 'yam fan kaa'lih sugte. Too dalka kaa tibbixeemih, sinaamak baxsimeh dibuk yan qarit yeneeh; kay baxaay Yootam deqsitahiyya kay aftok baaxo xiinisak yen.

2 Malikwa 16:1

Israayil malikih yen Ramalyaahû-baxi-Fekac reedeemih taban kee malcinhaytô sanatat, Yootam-baxi-Acad Yuudâ-malik yekke.

2 Malikwa 18:1

Eela-baxi-Hosiqa Israayil-malik yekkeemih sidochaytô sanatal, Acad-baxi-Ciskiyyaahu Yuudâ-malik yekke.

2 Aydaad 28:1

Acad malik yekke saaku qumrik labaatanni karmat yen. Yarusalaam magaalah addal taban kee lica sanat malikih suge. Takkay immay isi kaxxa abba Malik Dawud raatat gexak masuginnay, YALLI niqba taamat asak suge.

2 Aydaad 29:1

Ciskiyyaahu qumrik labaatanna kee konooyut yan saaku Yuudâ-malik yekke. Yarusalaamal labaatanna kee sagla sanatah malikih suge. Kay ina Abiyya deqsitak teneeh; Zakariyyak baxák ten.

Yasaqya 1:1

A kitaabal tanim, Yuudâ-rasu kee Yarusalaam magaalal tan ummattah Yalli, Amóx-Yasaqya le kabuk ruube wacyi. Yalli a farmo ruubem, Quddiyya kee Yootamaay, Acad kee Ciskiyyaahu deqsita mari malikwah suge dabaana.

Yasaqya 1:2

YALLI iyyeemih, «Sin lih yabtem, YALLAK; qaran kee baaxoy, ankacisa. Anu innih qarise urri yab yok cineh; xaylo yoo cinteh.

Yasaqya 7:1

Qudiyyâ-Yootam baxay Malik Acad deqsitahiyya Yuudâ-rasul malikih yen dabaanal carbi rade. Suuriyah malikih suge Raaxin kee Israayil malikih suge Ramalyaahû-Fekac Yarusalaam magaala tabbixem faxxe. Takkay immay yabbixoonu yeffereenih.

Yasaqya 7:9

Israayil tet inaytah magaalah tan Samaariyak qandeh mataysa. Samaariya kaadu Ramalyaahû-baxak qandeh mataysa. Imaanal digga axce wayteenik, isin kaadu digga mantan» 'yaanam Yasaqyak iyye. Yasaqya too farmo Acadah warse.

Ermiyaas 26:18

«Ciskiyyaahu, Yuudâ-marak malikih yen saaku, nabi Miika deqsita nabiy Moreset rasul yoobokehiyya ummatah inkih YALLI kaak inxica iyyem warseh yeneeh, too nabi too saaku iyyemii, ‹Siyon qale buqre elle takke booxah raaqele. Yarusalaam magaala abuuruh raaqele. Yallih Qibaadah-Qari elle yan qale garbo akkele› iyyeh yen.

Hosiqa 1:1

Quddiyya kee Yootam kee Acad kee Ciskiyyaahu Yuudâ-rasul malikwah sugteeh, Israayil rasul kaadu Yahoqás-Yarobqam malikih suge dabaanal, YALLI Beqeerí-Hosiqal farmo ruube. Ruube farmo ah teeti.

Hosiqa 4:15

«Isin Israayil maraw, yoo ganteenih. Yuudâ mari sin akke way! Gilgal kee Beet-Awen magaaloolil qibaada maabina. Yi migaaqay waarahiyyal maxiibitina.

Hosiqa 8:14

Israayil mari malik qarwah xiso yeexegeh immay, ken gine Dagelta hawweeneenih. Yuudâ mari, meqe magaalooli dacayrih xisen. Oson malikwah xisen qarwa kee magaalooli keenik bayissa gira keenil ruubeyyo» iyye.

Qaamus 1:1

Ah Qaamus maxco. Qaamus Takooqa deqsitta magaalal yan saqi marih fanat suge numu. Yalli, Israayilih takku waytam elle warse wacyi kaal oobisem, woo baaxol baaxoh angoyyi yakkeemik naharat namma sanatak ten. Too dabaanal Quddiyya Yuudâ-rasul malikih sugeeh; Israayil rasul kaadu Yahoqás-Yarobqam malikih suge.

Qaamus 6:1

Qaamus kaadu iyyemii, «Siyoonul meqe manoh tan abbobti kee, Samaariyal raacatat tan abbobtiy, siinit takku waytam abletton. Israayiliy kaxxa doolatah tanihiyyak kaxxa mara kinniton. Catoh sinam siinih tamaateemih, siinit takku waytam abletton!

Miika 1:5

Tah inkih akah takku waytam, Israayil mari edde ase dambih sabbata. Israayil mari Yallih yab cineh. A mara dambit asissem iyyaay? Keenik inaytah tan Samaariyah magaala. Yuudâ-rasul xeet kee cooxut aban qibaada ankeey? Yarusalaam magaala.

Miika 3:9

Tonna'mmay, Israayil abbobtik, isin yoo ankacca haay, siinih warsam yok oobbeya. Isin qadaalat qansiisa mara hinniton. Gitah tanim makot abtan.

Cabakkuk 1:1

YALLI, nabi Cabakkuk yuybulle wacyi ah kaana.