Malaaki 3:4 - NABUWWA KEE MALIKWA

⁴ Yuuda kee Yarusalaam mari dumaak elle abak suge innal, Yallah sadgat abeloonuuh; YALLI kaadu dumaak keenik elle oggolak suge innal, keenik oggolele» iyye.

Malaaki 3:4 ပူးပေါင်းရင်းမြစ်များ

1 Aydaad 15:26

Leewih yooboke maray a Sandug baahehiyyal Yallih cato geenimih sabbatah, sadgatah malcina awur kee malcina maruw yusguuden.

1 Aydaad 21:26

Tohuk wadir YALLAH sadgat elle abu waa arac tokkel xiseeh; cado akak carrisan sadgat kee amaanah xiinaana'gidih aban sadgat too aracal YALLAH abe. Too sadgatah saqa usgudda hee waqdi dooqa abe. YALLI too dooqa kaak raabiteeh, yusguude saqih cado elle alaytu wayta gira qaraanak ruube.

2 Aydaad 1:6

Suleeman Yallih Nabnah-Siraqak foocal yen nacaasak bicsen mansafak bagul YALLAH sadgat abe. Inkitanuuk cado akak cararisan sadgatak alfi takkem YALLIH sadgatah woo mansafih bagul cararise.

Yasaqya 56:7

Siyon qaley taahirik tanihiyya fan sin baaheyyooh, yi migaaqal abtan sadgat siinik oggoleyyo. Dooqa yoo fan elle aban qarih addal ruffa axcetton. Tonna-leemiik, yi qari baadal tan ummat inkih dooqa elle abta qari deqsitele» 'yaanam keenik iyyah yan.

Zakariyya 8:3

Yarusalaam yi magaalay taahirik taniiy; ahaysa kalbi tet fan gacseyyo. Innih teetil gaceyyo. Ahaysa Yarusalaam Imaan-Yallal-le-Magaala deqsitele. Anu YALLAY Nabaamak Naba; yi qale taahirik tan qale akkele.