Malaaki 3:2 - NABUWWA KEE MALIKWA

² Takkay immay usuk meqe saabun wasak elle kala'nnaay, giray birta tasiffiye innah amaatele. Tonna leemiik usuk yamaatu waa waqdi, iyyi sugam duudaa? Usuk yamballayu waa waqdi, kay foocal iyyi soolam duudaa?

Malaaki 3:2 ပူးပေါင်းရင်းမြစ်များ

Yasaqya 1:18

YALLI qagseh iyyeemih, «Tahaysa yol amaay, tahat itta lih yaabenno. Isin abten dambit kaqalteenih immay anu woo dambik sin kaqliseh cankaxi qidih innah sin heeyyo. Dambik abteenimih mangah xagar siinik yoomeh yani'mmay, qado illi xagoorih innah akak gacetton.

Yasaqya 33:14

Siyon-qalel tan dambileelat kaxxa cunxo hayte. Yalla-maleela meysih axaxitte. «A giray muxuq intak iyyi yalliile? Daayiman urta girat carariyya iyyi faxa?» iyyan.

Yasaqya 4:4

YALLI isi qandet ummattal mekleleeh; gira birta akah taahirroysa'nna ken taahirroysele. Yarusalaam-agbi le sakkik tan taamak keenik taahirroyseleeh; Yarusalaamal caxita qabalak tet kaqlisele.

Ermiyaas 2:22

Edde asseenih tanin dambik faxeemit kaqaltan way mataahirrowtan. Abten dambih wasak, faxe saabunut kaqaltaanamah, sin macaba. Abten dambih nadaysa uxih yi garil tan. Tahat yabtam yoo YALLAY mulki lehiyya.

Yacedkel 22:14

Anu koo digaalu waa saaku gaba yot maay gacsetto? Tahat yabtam yoo YALLAY Mulki lehiyya; excem duudusa Dagelta kinniyo.

Daaniyel 11:35

Ummatta agirribuk taahirrowta'gidih, woo kasloytiitih tan miracwak tu takkem annikissele. Taham ellecabô-waktiy Yalli yaaxigehiyya tamaatem fan akkuk sugele.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.

Zakariyya 13:9

Too maray saaboh raaqu waahiyya yakke mara keenik able'gidih, dahab kee lakqo girat elle yasiffiyen innah, girat asiffiyeyyo. Tohuk lakal dooqah gaba yol ruubelon; anu too dooqa keenik oggoleyyo. Yi mara kinnoonum keenih warseyyooh; oson kaadu ‹Atu ni Dagelta kinnito› axcelon» iyye.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

1 Samuwel 6:20

Tohuk gexxaamah Beet-Semes mari iyyemii, «YALLAY *kudduusuk yan Yallah yanihiyyah foocal, iyyi soolu duudaah? Ninnik kaa nayxeeri'gidih, manke kaa rubnaah?» iyyen.