Malaaki 3:16 - NABUWWA KEE MALIKWA

¹⁶ YALLIH meysi le maray kaa yaynabehiyya ahamat titta lih yaabeeh; YALLI ken yab ankaciseh, ken yab yoobbeh. Tohuk gexxaamah Yallih garil too marih migaq Yalli kassitih maktuubuk yabbixe.

Malaaki 3:16 ပူးပေါင်းရင်းမြစ်များ

2 Samuwel 7:1

Malik Dawud buxah isi qaril yeneeh; YALLI kaadu naqboytiitik inkih amaanah kaa abbaxuk yen.

1 Malikwa 18:12

Anu akkek gexa waqdiik, YALLIH *Roocaaniyya beyya koo hayteh, aaxige waan baaxol koo qiddek, maca abeyyo? Atu akkel tanim kaah warissa heeh akkel koo week, raba yol ackumele. Anu awkah en saakuuy a saaku fanah YALLIH qibaadat yan num kinniyo.

1 Malikwa 18:3

Tonna-leemik Acab, Qobadya-deqsita-numuy malik-qarih-abbah yenehiyyah seece. Qobadya YALLIH meysi xagarat le numuk ten.

2 Aydaad 6:7

Yab tokket mayseedinnay bisoh beeh iyyeemih, «Yi abba, YALLAY Israayil doore Dagelta kinnihiyya, elle yaqbuden qari xisam faxeh suge waqdi,

Nacmiya 1:11

Yooy ku naqasuh yani kee ku naqoosay ku migaq taynabehiyya abta dooqa nek macinin. A saaku faxam yoh aba'gidih, malik bagu yoh xabbacos» 'yaanam exce. Too saaku taamah luk enem, malikih qinab elle yaaqube kobbaaya xayyoosa marak abbah en.

Aster 2:23

Malik too waqdi taham numma kinnim kee akke waytam yasmite mara hee. Too mari Mordakay iyyem numma kinnim yismiteeniih; too waqdi too namma num takayrut qiden. Sarrak malik, «Taham elle tekke inna Fursi-Dardaarinni-Aydaada deqsita kitaabih addal uktuba» 'yaanam iyye.

Aster 6:1

Too bar malikit xin yamaatu cineh. Sarrak malik, «Fursi-dardaarinni-aydaadi elle yan kitaabay elle dardaara baaxol duma tekkem elle yuktubeenihiyya yol baaha» iyyeh, bahsiise.

Yasaqya 26:3

Isi gital digga 'ye mara cooca sinni amaanal xiinissa. YALLAW, too mari kol kibaal haak, wagriiy amaanal ken xiinissa.

Yasaqya 26:8

Ku gitat genxa waqdi, YALLAW, kibaal elle haynam koo, YALLAW. Amo-elle-meqinom koo, YALLAW. Fanxam ku massakaxxa, YALLAW.

Yasaqya 4:3

Too wakti baatik saaboh raaqe maray Yarusalaamal yani, taahirik yan mara akkele. Too maray Yalli Yarusalaamal raaqaana'gidih doore, migooqa akak tunkuttube mara.

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Yasaqya 65:6

«Ken umaane yi garil tan; yi foocal tan; maktuubuk tan. Anu ahak, way tibba maxca. Ken abtol ken digaaleyyo. Keenih taguude digaalah digaale ken liyom digga.

Ermiyaas 31:18

«Israayil maray nadaamitahiyyah anay yol rada. ‹YALLAW, dubaalinneh sugne'mmay, ku amri oggolaanam nee barisseh. YALLAW, ni Dagelta kook, elle sugne'kke fan nee gacis; kol naduuruh bical nan› 'yaanam axcih ken aabbe.

Ermiyaas 8:6

Intaanam siinik aabbeh immay, nummat mayabtan. Abe umaaneh nadaamita num siinit mayan. «Labhay, umaaneh baahem macaay?» iyyeh essera num siinit mayan. Kulli num siinik qeebi booxa fan xoxbisan farasih innal isi faxa gitat xoxoba.

Yacedkel 9:4

«Ama Yarusalaam magaalak rike macabinay, adda akak tabba 'xicaay; addal teetik yakkeh yan umâ-yabulik gexxaamah, bagi keenik ankakammuk cisabboote marak qansak bagul asta hayis» iyye.

Daaniyel 12:1

«Too malaykattuy meqe-sarot sartanah yani yok iyyeemih, ‹Too saaku woo qande le malaykattuy Mikaayil deqsitaah ku ummatta dacrisahiyya amaatele. Kaxxa gibdaabini edde yan wakti sugele. Ummatta tunkullukeemik xabba haanamaay akke, sinaamat way akke wayte gadaama akkele. Too saaku ku ummattak migooqa Yallih kitaabal akak tunkuttube mari inkih cattiimele.

Daaniyel 7:10

Muxxa giray weeqi innah caxittahiyya kay foocal caxitak ten. Tokkel alfitte yakke mari kaah taamitak yen. Mangah loowo akak amixxige wayta mari kay foocal soolak kaah taamitak yen. Too waqdi cokmi buxal daffeyna tekkeeh kitooba fakeenih.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

Malaaki 4:2

Siiniy yok meysitak yoo yaynabehiyyah tu gactek, sin catu waa ayro siinih awqeleeh; qaafiyat geettoonuuh, waddiimetton. Too waqdi ogok yifdigen rugaageh innah digiritetton.