Malaaki 2:8 - NABUWWA KEE MALIKWA

⁸ «Tonna'mmay seekay, isin ta saaku cakki gitak tewqeeniih, isin sinam barissan qilmi ummat makot beyam baahe. Anu sin lih haysite qahdi makteenih.

Malaaki 2:8 ပူးပေါင်းရင်းမြစ်များ

2 Malikwa 16:11

Uriyya gexeeh, Acad yamaateemik dumal, hununuh too aracih gurral, sadgat arac bicseh kaah suge.

Nacmiya 13:29

Tohuk lakal, «Yallaw, seeka luk ten seekinna nadaasa isik abte. Leewih yooboke mara kee seeka ko'lih luk ten qahdi nadaasa isinnik abeenim ubuleey» 'yaanam exce.

Yasaqya 30:11

«Gitak darifih neh raaqa. Gita nek maalifina. Israayil doore Dageltay kudduusuk yanihiyyat nee mataqbisinay, nanay nee inxica» 'yaanam iyyan.

Yasaqya 59:13

Kooy ni Dagelta kinnihiyyal makneeh, koo kataye cinneeh kok nexxeere. Sahdat elle xukkutan inna malisnaah; edde nacsubem, hoxaay; edde yabnam, diraaba. Tah inkih abne» 'yaanam iyyan.

Yasaqya 9:16

A ummatta miraacisa mari ken edde beyaanam, gita maliinooy; ken edde yabbixeenim, badambadisiyya.

Ermiyaas 17:13

YALLAW, Israayil ummat kibaal elle lem koo. Koo bursutta haa mari inkih qawratak radele. Kooy sila le leeh raceynah yanihiyya cine mari siisâ-bagul yuktuben migaq akkelon.

Ermiyaas 17:5

YALLI kaadu iyyeemih, «Yoo cinna heeh, sahdaytul yaamine numul yi abaaro oobele. Numtin qandel kibaal haa numul yi abaaro oobele.

Ermiyaas 18:15

Yi mari yoo cabba heeh tu xiqe sinni gabak bicsen duyyey yallah loonuh qaydarus ruuban. Meqe gitay kataate raareenihiyyak, too duyyeh qibaaday edde yaniini ken raaqisseeh, makot ken beyte. Ken kaxxa abbobti kataatak sugte gita cabba heenih, makot yan gitat gexaanam dooriten.

Ermiyaas 2:8

Seeka, ‹YALLI maca abeh?› maxacinna. Anu ruube xinto barsa mari yoo aaxige cineh. Baaxoh-abbobti anu niqibyo taamat asen. Oson nabuwwah luk sugen mari yaabe kaa tekkek, ‹Baqal woh iyye; ah iyye› 'yaanam keenik axcuk, isinnih kaadu tu xiqe sinni duyyey gabak bicseenihiyyah qibaadat gacen.

Yacedkel 22:26

Seeka yi xinto intam mabtaay, taahirik tan qibaadah caagid elle aban arooca maxaguran. Caraamak tanim kee calaalak tanim ummatah mawarsan. Sabti ayro maxaguran. Tonna leemik Israayil mari yoo mayassakaxxan.

Yacedkel 44:10

YALLI yok iyyeemih, «Anu Leewih yooboke maray Israayil mara lih gacca 'yeh yoo cabba heeh xeet kee coox yaqbudehiyya digaaleyyo.

Yacedkel 44:12

Takkay immay yi qibaada cabba heenih xeet kee cooxuk bicsen duyyeh qibaadat gaceeniih, sahda dambit asisen. Tohuk gexxaamah, yoo YALLAY Mulki lehiyya xiibita'mmay, tahamah ken digaaleyyo.

Yacedkel 44:7

Allî-baaxoh maray salot sinnihiyya yi Qibaadah-Qari culussaanaah, nadaasa kaa abten. A maray isin bahteeni, yi yab oggola mara hinna. Sadgatah qiddan saqih xayta kee qabal sadgatah bahtan waqdi, a mara yi qariy taahirik yanihiyya gabat bahtan. Tonnah abak sin kee yi fanal yen xagana bayisseenih.

Hosiqa 4:6

Yi mari yoo aaxige weenimih sabbatah bayele. Isin kaadu seekak, yooy sin Dagelta kinnihiyya siinih eyyeeqe xinto cinteenih yoo cinteenih. Tohih sabbatah anu kaadu sin cineeh, sin xaylo yi seeka matakka.

Xafanya 3:4

Teetil tan nabuwwa kaxxam isinnit yakkaleeniih, yaaminen mara hinnon. Teetil tan seeka taahirik tanim nadaasa abtaah; Yallih xinto isinni faxaanamih taagah makot warsan.

Malaaki 1:6

YALLAY Nabaamak Nabahiyya seekak iyyeemih, «Siinik axcem oobbeya. Baxi abba yassakaxxeeh; saq-duwayti akah taamita num yassakaxxeh. Hay, anu abba siinik kinniyok, macah yoo assakaxxe waytan? Sin Dagelti yoo kinni way macah yoo assakaxxe waytan? Seekay, yoo bursuttam siini. «Takkay immay isin, ‹Nanu koo elle bursunnam mannaay?› intan.

Malaaki 2:5

«Leewik rade mari yoo yassakaxxeeni'gidih, ken kee yi fanal yan qahdil meqe mano kee amaan keenih aceeyyoomuh qahdi keenih cule. Tohumuu, qahdi keenih akah culem keenih eceeh. Oson kaadu woo saaku yoo aynabukuuy yok meysitak yenen.

1 Samuwel 2:17

Ta dambiy Qeli-xaylo abtahiyya YALLIH garil kaxxam gibduk ten. Oson ummatta YALLAH abta sadgat burutak yenen.

1 Samuwel 2:30

Yoo YALLAY Israayil doore Dagelta kinnihiyya, ku buxah marak atu akak radde gulubut yan mari qumri keenik yanim fan yi taamah taamitta seeka akkelon 'yaanamal, duma xagana keenih culeh suge. Awayah tu gactek, woo xagni bagul keenih maan. Yoo yaynabe mara aynabeyyoh, yoo buri intit yable mara buri intit ableyyo.