Malaaki 2:17 - NABUWWA KEE MALIKWA

¹⁷ Qagseh kaadu keenik iyyeemih, «Yabtan yaabat YALLA taqbisseenih. «Too waqdi ‹Afak nanu YALLA mannal taqbisneeh?› intan. « ‹YALLI umeynit meqe mara yakkaleeh; keenit ruffu iyya› intan. Waqdik teena kaadu, ‹Yallay qadaalat leh akak iyyaanahiyya ankel yani?› intan» iyye.

Malaaki 2:17 ပူးပေါင်းရင်းမြစ်များ

Yasaqya 1:14

Alsi edde bile ayroh abtan qiid kee tangoorowen ayro abtan qiid siinik baguuk niqibyo. Isin edde assen qiid quuka yol yekkeh; ahak wadir annah tanim ablem maxiqa.

Yasaqya 29:15

Edde tanin mala YALLAK yaaqurem yakkale maraw, sinim tekkeh! Uma-taama bar ditet abaah, «Nanu abnam iyyi nek yableeh, iyyi yaaxige?» 'yaanam intan.

Yasaqya 30:18

Tonna'mmay YALLI, tohuh, isi niqmat siinil oobisam faxaah; kaadu siinih racmata'gidih ugtele. Macaay inteenik, YALLI cakki le Dagelta kinni. Kaal kibaal haa mari ruffu iyya mara.

Yasaqya 43:22

YALLI kaadu iyyemii: «Israayil maraw, abtan kallaci kee dooqa, akah abtaanam yoo hinna; yoh isinni taqbisak masuginniton.

Yasaqya 43:24

Yi sabbatah, sadgat rubtaana'gidih qaydarus xaamah sin maballiyo; saqa yi sadgatah maqiditinnitoonuuy, xayti-qeerisan-suruyuk yoo ruffa mahanniton. Toh hinna'mmay isin abtaanah-tanin-dambi yol quuka yekke. Qellatay edde taniini yol taqabi yekke.

Yasaqya 7:13

Tohuk gexxaamah Yasaqya kaak iyyeemih, «Malik Dawuduk rade maraw, yok oobbeya! Labhâ-sabri waysissaanam meqem maay takkalen? Hay yi Dageltih sabri waysissaanam maay faxxan?

Ermiyaas 12:1

Inni Dagelta lih yaabeeh excemii: «YALLAW, qadaalat le Dagelta kinnito. Yi Dageltaw, yot tekkem ku amol haysitu waa; qadaalat le cokmi yoh abettom aaxigeeh, mawaagisa'mmay, atu qadaalat elle abta'nnak uxih cede weemiy koo esseram faxa liyo. Uma-qamal-leela gaddaloola akah tekkem macaay? Aamanti sinni maral kullim akah bictam macaay?

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Ermiyaas 17:15

Ummatta yok intaamah, ‹YALLI duma net abak suge meysisso cabeh inna? Siinik abeyyo nek iyyem taway nek abay› iyyaana'mmay,

Ermiyaas 44:22

A saaku sin baaxo abuuruh raqteeh num teetil mayanam matablaanaa? A saaku tet yable mari akak nadaamitah inna le. Titta abaara mari, ‹Woo magaaloolit tekkem siinit takkay› iyyaanaah, abaaroh tet haysiten. Toh akah tekkem maca siinit celtaah? Isin abak sugten makri kee uma-taamay YALLI xiqe waahiyya, tohuh, siinit tekkem ixiga.

Yacedkel 16:43

Qunxuk ten saaku koo elle abbaxuk suge inna hawwenteh. Abteh tan uma taamak gexxaamah, naqbi yot hee. Tonna-leemiik abba hayte umaaneh akah diggalsinta innah kok abe. Abba hayte uma-taama koo maxiqinnay, wadir dalwa edde osisse. Tahat yabtam yoo YALLAY Mulki lehiyya» iyye.

Yacedkel 18:25

«Wonnal, ‹Yalli qadaalat leh mayan› intan. Israayil maraw, ankacca yoo haay, anu abam gitah ane waytam takkaleenih immay, gitak ane sinnim sin taama.

Yacedkel 8:12

Too waqdi Yalli yok iyyeemih, «Ama Israayil idoola sirrit abta taama tablem hinna? Tasaawirik kibuk yan qarih addat duyye yaqbuden. Oson tah akah abaanam, ‹YALLI a baaxo cabeh ikkal, nanu sirrit abnam nek mayabla› 'yaanama» yok iyye.

Yacedkel 9:9

YALLI too waqdi yok iyyeemih, «Israayil kee Yuudâ-mari kaxxam gibdi dambi baaheeh; rasul ummat annaak qidaanam baaheeh; Yarusalaam baatilik dabaq aben. Yi giddinaamak, ‹YALLI ahaysa ni baaxo cabeh ikkal, nee mayabla› iyyan.

Qaamus 2:13

Tonna leemiik siinit aaqiteyyo. Yi digaalah, qari elle qilsa faras-gaari innah, araadaqisetton.

Xafanya 1:12

YALLI kaadu qagseh iyyeemih, «Too ayro gabat faanus hayya heeh Yarusalaam magaala gorriseyyo. Isil kaxxa kibaal le maray isit kaxxam yakkalehiyya digaaleyyo. ‹YALLI abba haamah lem mali. Meqem neh maabaay; umam nel mabaaha› iyya mara digaaleyyo.

Malaaki 2:14

‹Macah nek cinah?› intan. Hay anu siinih warisu waa. Isin furrayniinol elle digibten agabuy sin kacnoytiitih yanihiyya cabba hayteenih, ken lih luk sugten Yalla-kee-xagana makteeniih; YALLI abtan sadgat siinik akah cinam tohu.

Malaaki 3:8

«Anu, hay, kaadu siinik axcem liyo. Yok tu garqaanam bictaa? Mabicta'mmay, isin tu yok garaqtaanah. «Isiniiy, ‹Maca kok garaqna?› intan. «Dakaat duyye kee sadgatah yaceen duyye yok garaqtan.

1 Samuwel 2:3

Sinaamey, hida caba. Kaxxiina xagarat hayya hayteenih mayaabina. YALLI kullim yaaxige Dagelta kinni; ummatta abba haytaamal inkih mekla.