Malaaki 2:12 - NABUWWA KEE MALIKWA

¹² Tannah taniimit asah yan num kee kay buxah mara inkih, YALLI ni addak kalay. Ta mari, ni mari YALLAY Nabaamak Nabahiyyah abah yan sadgatat gaba assagalle woonay.

Malaaki 2:12 ပူးပေါင်းရင်းမြစ်များ

1 Aydaad 25:8

Ta taamah abittoh yamaaten waqdi, qunxa furraynu yakkay, idaltu yakkay, hinnay kaadu, a taamah abitto dumaak aaxaguk suge num takkay, woo way qusbih barta num takkay, taama abaanamak naharal saami caxxa elle qidda haanah saami elle awqinnaan mari abak yen.

Yasaqya 61:8

Macaay inteenik, yooy YALLAH yani qadaalat kicna. Cado akak carrisan sadgatak tu cabaanam niqibiyo. Liyoh an diggal inni ummattah galto gacseyyo; baye sinni qahdi ken lih heeyyo.

Yasaqya 66:3

«Sahda isih faxxem abbaasitta. Sadgatah saq qidaanam kee sahda qidaanam keenil inki gide. Anaqtu qidaanam kee kuti filla yaggileenimiiy, daro sadgatah baahaanam kee ceray qabala sadgatah caxaanam keenil inki gide. Qaydarus qeerisaanam kee, deedaltam yalla 'yeenih yaqbudeenim keenil inki gide. Yalla umâ-yabulih yan gital yaqbudeeniih, tohut ruffa iyyan.

Yacedkel 14:10

Woo nabi kee kaal fayuh yemeete mara inkih, inki digaalah digaaleyyo.

Yacedkel 24:21

Israayil marak intaamah, ‹YALLAY Mulki lehiyya siinik iyyaamah: Ama yi Qibaadah-Qarit kaxxam takkaleeniih intih wagittaanam siinit meqeeh, kaa fan gexxaanam kaxxam kicintoonuh immay, yooy YALLAH yani ama qari nadaasa abba heeleeh; too magaalal raqta say xaylo kee lab xaylo siinik seefit ambaxele.

Hosiqa 9:12

Dadlisen xaylo kinni way, num raaqe'kal keenik beeyyo. Ta marat darre cabu waa saaku, woyyow keenil obtu waytaamak!» iyye.

Qaamus 5:22

Cado akak carrisan sadgat kee, daro yi migaaqal sadgatah bahtan way, anu siinik moggola. Gablusen saqih sadgat siinik moggola.

Zakariyya 12:7

«Dawuduk rade mara kee Yarusalaamal yan mari, Yuudah yooboke maray raqqa 'yehiyyak nabnah ayse waana'gidih, yooy YALLAH yani naharsi nasri Yuudâ marah aceeyyo.

Malaaki 1:10

YALLAY Nabaamak Nabahiyya iyyeemih, «Yoh sadgat elle abtan aracal tu xiqe sinni gira urussaanamak, gira akah uruse waytan innah, qibaadah qarih afoofi siinik alfa num geenniyoy faxe raare. Isin abtaanam ruffu yoo mahaytaay; sin sadgat moggola.

Malaaki 1:13

Afak too waqdi, ‹Nanu ahak taqabneh› axcuk, anu siinih ecee taama maaqiltaanah. Tohuk gexxaamah yi sadgatah garaqten lac akkiiy, ibak kos iyya lac akkiiy, hinnay kaadu dalka edde radde lac akki qiddan. Hay, yoo YALLAY Nabaamak Nabahiyya woo saq siinik oggolam maay siinit celtaa?

Malaaki 2:10

Malaaki iyyeemih, «Ni Abbay nee doorehiyya inki Dagelta akke maay waa? Nanu inkih inki abba linom neexegek, hay, innem tittal akah maknam macaay? Toh abna waqdi, Yalli ni kaxxa abbobti lih abe xagana makna.

1 Samuwel 3:14

A dambi, faxe sadgat abaanamahaay faxe mattaco yeceenimih ahak wadir daayiman keenit cabe waamah kaah xiibiteh en» iyye.