Makaabon 9:6 - NABUWWA KEE MALIKWA

⁶ Sarrî-saaku Seekem kee Beet-Millo deqsitta magaalah mari titta geyya heeh, Seekemil qamiddi garil tan garsah gubal Abimalik reediseeniih, malik kaa aben.

Makaabon 9:6 ပူးပေါင်းရင်းမြစ်များ

2 Samuwel 5:9

Megdebwa teetik yibbixeenik wadir, Dawud dabqah teetil gaceeh, «Dawud-Magaala» 'yaanam migaaqah teetih yeyyeeqen. Naharak ayrô-mawqa le kabut raqta baaxoy ramma luk sugte missoysak baahak, tet dariifal magaala xisen.

1 Malikwa 12:1

Racabqam kiblat le kabut raaqa Israayil mari malik kaa aba'gidih, elle mododeh suge Seekem deqsitta magaala fan gexe.

1 Malikwa 12:20

Israayil mari Yarobqam Masrik yuduurem yoobben waqdi, elle kobxeenih sugen arac fan yamaate'gidih, kaah seeceeniih; tokke yemeete waqdi malik kaa aben. Yuudah yooboke mari dibuk Dawuduk rade marih gubat raaqe.

1 Malikwa 12:25

Israayil malikih yen Yarobqam, Efrayim kedoh qaleela mango aracal ten Seekem deqsitta magaalat maroh gaso heeh, sarrak dago gide wokkel suge. Waqlak wadir wokke cabeh gexeeh, Fanyel magaalat maroh gaso hee.

2 Malikwa 12:20

Doolat-saqoltik namma num Malik-Yooqasak abtu waytaamal malisse. A namma num Simqat-baxa-Yodakar kee Soomer-baxa-Yahodbadak ten. Kaa elle qideenim, Silla fan ooba gitak Beet-Millo deqsita caafatak ten. Yooqas, Dawud-Magaalah addal malik kee malik buxah mara edde yoogoqen kabrit yoogoqen. Kay baxi-Amaxya kay lakal malik yekke.

Yoosuwa 24:26

Yoosuwa too xinto kee amri Yallih xintoh kitaabih addal yuktube. Kaxxa xaa bahha heeh YALLA elle yaqbuden aracak xaqul tan garsah gubal hee.

Makaabon 9:5

Tokkek Qofra akak iyyan magaalal tan abbah-xaylo fan gexeeh, too magaalal yen xaahih amol malcina-taban tooboko inkih yusguude. Takkay immay barah inkih keenik qunxuk yen toobokoytay migaaqah Yootam deqsitahiyya yombooqoreh raaqe.

Makaabon 9:7

Yootam tah yoobbe waqdi, Geriidim deqsitta qaleh amol bukka 'yeeh, deero abe. Iyyeemih, «Seekem maraw! Yalli sin yab yaabbuk yoo oobbeyay.