Makaabon 9:27 - NABUWWA KEE MALIKWA

²⁷ Qinab xala cooxih adda gexeeniih, qinab ifiillaay qinab kamri akak bicissa heenik lakal, isinnih elle yaaminen yallah lon duyyeh qibaada elle abaana'gidih bicsen qari gexeeniih, tokkel yokmeeniih, yooqoben. Abimalik baaheemil kaa abaarak kaat yaaben.

Makaabon 9:27 ပူးပေါင်းရင်းမြစ်များ

Ermiyaas 25:30

Kaadu qagseh yok iyyeemih, «Taway kaadu keenit takku waytaamat yaabak, keenik intamaa, ‹YALLI qaraanak bagcarritele; kay dabqay taahirik yanihiyyah amook isi marat bagcarriteleeh, kaxxa xongoloh xongolele. Carbih gexa mari edde haa tirtirat heele. Addunyâ-bagul yan marat xongolele.

Daaniyel 5:23

qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Hosiqa 7:14

Afqadook yoo maqbudinnon. Dooqa aban waqdi, gitat tet maaban. Takkay immay daffa 'yeenih diini-maleela akah abta'nnah, waxxaq axcukuuy boogisak aban. ‹Baaxol daro kee qinab nee mawaysiisin› axcuk dooqa aban waqdi, diini-maleela akah abta'nnah, xagar isinnik qanxisan. Yoo cineeniih darre yot caben.

Makaabon 16:23

Filistiin malikwa yallah loonumuy migaaqah Dagon akak iyyaanahiyyah kaxxa sadgat abaana'gidiiy woo ayro yassakaxxeeni'gidih, inkih aracal gaaboowen. Too waqdi qadar abeeniih woo qadarah iyyeenimih, «Ni yalli naqboytah suge numuk nee yiysiiseh» iyyen.

Makaabon 8:33

Gidqoon rabek lakal, Israayil mari Yallal luk yenen imaan dumak kaxxih kaadu agaaguluseenih, Baqal deqsittam yuqbuden. Bica-edde-aben-Baqal yallah haysiten.

Makaabon 9:26

Too dabaanal, Qebéd-Gaqal akak iyyan num isi tooboko is lih hayya heeh, elle suge baaxook Seekem magaala yemeete. Seekem magaalah mari kaa gee waqdi, kaxxam tu neh xiqele 'yaanamah niya kaal heen.

Makaabon 9:4

Sarrak Bica-edde-aben-Baqal elle yaqbuden qarik, garaasak malcina-taban beyya heenih kaah yeceen. Usuk ta lakqot qamallittey sinam inkim akak intehiyya xaamma heeh is lih ken hee.

Makaabon 9:46

Seekem magaalah kaxxa maritteeta a xaagu geen waqdi, Baqalay-Bica-edde-abeenihiyya elle yaqbuden qarih addat reebu le qari amô-qellah culen.

1 Samuwel 17:43

Too waqdi Dawuduk iyyemii, «Amah maca akak abta caxxay? Yoo kuta maay takkale?» kaak iyyeeh, yalla iyyeh yaqbude duyyeh migaq xagga heeh kaa abaare.