Makaabon 8:33 - NABUWWA KEE MALIKWA

³³ Gidqoon rabek lakal, Israayil mari Yallal luk yenen imaan dumak kaxxih kaadu agaaguluseenih, Baqal deqsittam yuqbuden. Bica-edde-aben-Baqal yallah haysiten.

Makaabon 8:33 ပူးပေါင်းရင်းမြစ်များ

2 Malikwa 12:2

Malik-Yooqas, suggu 'yem fan, YALLI kicna taamah taamitak suge. Woh akah tekkem, sek-Yoyadaq aba kaak axcinnaanim abak yeneemih sabbatak ten.

Ermiyaas 23:27

Duma ken abbobti Baqal akak iyyan duyyeh qibaadat gacca 'yeenih yok elle yexxeereenih sugen innal, a saaku kaadu oson edde yaaban soonot yi mara yok yayxeereenim faxan.

Ermiyaas 3:9

Too uma-taamay abaanahiyyat mawacarriyinnon. Xeet kee coox qibaadat gaceeniih baaxo caraamu aben.

Yoosuwa 24:31

Israayil mari Yoosuwa yanim fanah, YALLA aqbuduk sugeeniih; sarrak usuk rabek sarra kaadu woo kedoh abbobtiy YALLI Israayil marah abem isih tublehiyya tanim fanah, YALLA aqbuduk sugen.

Makaabon 10:6

Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih.

Makaabon 2:12

YALLAY ken kaxxa abbobti dooreh Masrik ken eyyeqqa heehiyya yaqbudeenim cabeenih, ken dariifal yan mari Yalla akak iyyaamay yaqbudehiyyah qibaadat ken lih gacen. Too duyyeh qibaadah gommoh radaanam baaheeniih, YALLIH naqabu isinnil oobisen.

Makaabon 2:17

Takkay immay too makaabonuy Yalli keenih heehiyyah yab cinak sugen. Ken kaxxa abbobti YALLAL luk ten imaan cabeeniih; Yallih aftok duyyeeyâ-qibaada faxeeniih, too duyyeeyah qibaadah gommoh raden. Ken kaxxa abbobti YALLI iyyem abak yeneeni'mmay, ta ado Yallih yab cinteh.

Makaabon 2:19

Woo makaabonuy Yalli keenih heehiyya rabtek wadir, duma ken kaxxa abbobti abak sugte uma-taamak lafitta 'ta uma-taama abak yenen. Yalla cabba heenih duyyeeya yaqbudeenim dumak laffa haak abak yenen. «Ninnih fanxem abenno» axcuk, uma-gita cabaanam cineenih.

Makaabon 3:7

Israayil-mari isi Dagelta hawwenna heeh, Baqal kee Aseera deqsittaamay woo mari Yallih aftok aqbuduk sugehiyya ken lih yuqbuden. Tohum YALLIH garil dambik keenil loowinte.

Makaabon 8:27

Sarrak Gidqoon woo dahabak rikek tan ceelo bicissi heeh isih elle yooboke Qofra deqsitta magaalal hee. Sarrak Israayil mari Yalla cabeeniih woo ceelo yuqbuden. Taham Gidqoon kee kay buxah maral edde radoonu waan ofloh innah tanim tekke.

Makaabon 8:32

Yoqas baxi Gidqoon idoolite saaku rabeeh; kay abbay Yoqas deqsita elle yoogoqeenih sugen aracal kaa yoogoqen. Woo magaq elle yekkem, Qofra magaalaay; Qofra, Abiqeder kedoh mari elle yen magaalak ten.

Makaabon 9:27

Qinab xala cooxih adda gexeeniih, qinab ifiillaay qinab kamri akak bicissa heenik lakal, isinnih elle yaaminen yallah lon duyyeh qibaada elle abaana'gidih bicsen qari gexeeniih, tokkel yokmeeniih, yooqoben. Abimalik baaheemil kaa abaarak kaat yaaben.

Makaabon 9:4

Sarrak Bica-edde-aben-Baqal elle yaqbuden qarik, garaasak malcina-taban beyya heenih kaah yeceen. Usuk ta lakqot qamallittey sinam inkim akak intehiyya xaamma heeh is lih ken hee.

Makaabon 9:46

Seekem magaalah kaxxa maritteeta a xaagu geen waqdi, Baqalay-Bica-edde-abeenihiyya elle yaqbuden qarih addat reebu le qari amô-qellah culen.