Makaabon 8:23 - NABUWWA KEE MALIKWA

²³ Usukuuy keenik iyyeemih, «Yoo kee yi baxak sin amoyta num mayakka. Sin amoyti YALLA» keenik iyye.

Makaabon 8:23 ပူးပေါင်းရင်းမြစ်များ

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 63:19

Mango waktih, atu amoyta akak suge wayte marih inna gacne. Ku migaaqal muggaaqise waan mara nekke.

Makaabon 10:18

Tohuk lakal Gilqadal ten Israayil-kedoh-abbobti titta esserteemih, «Qammon mara lih abnu wayna qeebik foocat iyyi neh gacelee? Ta qeebik foocat gacinnaan num Gilqadal enna 'ya marih abba akkele» iyyen.

Makaabon 2:18

Sinam keenit xukkuttaah ken biyaakan waqdi, YALLAL weeqah hayya haak yenen. Too waqdi YALLI keenih xuwaawak yeneeh; makaabantu doorru haak yeneeh, too makaabanti addunyal yanim fanah kaa catakaay, woo makaabantih gabat Israayil mari qaduwwik akah yayse'nnah abak suge.

Makaabon 8:22

Sarrak Israayil mari Gidqoonuk, «Miidiyan marak nee catteeh; tonna-leemiik atu ni amoyta tikaay; ku lakal kaadu ku baxa kee ku baxih baxa ni amoytit akkele» kaak iyyen.

1 Samuwel 10:19

Samuwel qagisak keenik iyyeemih, «Kulli gadaama kee taqabik sin teyyeeqem, sin Dagelta. Takkay immay a saaku kaa cinteenih, Malik neh reedis 'yaanam yok inten. Faxxaanam toh tekkek, kedo-kedo kee gulub kee gulubuh gacca 'xicay YALLIH qibaadah-arac xayyoowa» keenik iyye.

1 Samuwel 12:12

Takkay immay Qammon rasul malikih yen numuy migaaqah Nacas deqsitahiyya sin yabbixu waam tublen waqdi, YALLIH malikannu cinteenih, ‹Nee xiinisa malik neh reedis› yok inten.