Makaabon 8:21 - NABUWWA KEE MALIKWA

²¹ Too waqdi Debac kee Xalmunna Gidqoonuk annah inte. «Labhâ-taama abtam labhaytuk, amay isih nee qid» kaak iyyen. Too waqdi Gidqoon ken qideeh; ken gaalih fillat bilqah heenih sugen bilâ-duyye beeh.

Makaabon 8:21 ပူးပေါင်းရင်းမြစ်များ

Yasaqya 3:18

Yarusalaam-agbi elle kaxxiinita duyye Yalli keenik edde beyu waa wakti yemeeteh. Oson bilqah filla kee amooy ayti kee iba kee carayat lon bila keenik edde kalu waa wakti yemeeteh. Amot lon musaan kee seedar kee, ibat lon birtaay, bagul lon caleytitte kee, tonnah kaadu, kitooba kee gaaxoytitteey, feerat lon ferran kee sanat lon dumam kee qatri edde haan karaaratay gabat beyaanahiyya keenik bukkusele. Toh lih kaadu xagar meqe sartanay culsah xagarat haanahiyyaay, xagaral haan maklabaay, lakqo edde haan oloy gabat beyaanaay, isinni elle yablen miraayataay, bandiiliiy, amô-sara kee saaxi kee, xagar addak yaybulle saray sartaanahiyya inkih keenik kalele.

Yoosuwa 10:26

Sarrak Yoosuwa woo koona malik inkih qideek lakal, yakken konooyuk koona caxat ken takre. Oson woo cooxih bagut ayro culla 'tam fan takayrut sugen.

Makaabon 15:12

Too waqdi kaak iyyeenimih, «Nanu akke akah nemeetem, uxuyya koo hayneh ken gabal koo hayna'gidik, gablak eweq» kaak iyyen. Usuk keenik iyyemii, «Isin isinnih yoo qide waytaanamih xagna yoh cula» keenik iyye.

Makaabon 8:20

Sarrak Yeter deqsita kay baxay barah xaylok nabuk yenehiyyak, «Gexay ken qid» iyye. Awkiiy bar qunxuk yeneeh, namma kalbiteeh seef masiibinna.

Makaabon 8:22

Sarrak Israayil mari Gidqoonuk, «Miidiyan marak nee catteeh; tonna-leemiik atu ni amoyta tikaay; ku lakal kaadu ku baxa kee ku baxih baxa ni amoytit akkele» kaak iyyen.

Makaabon 8:26

Oson too waqdi, qax-meqe duyye kee fillat haan bilaay woo Miidiyan malikwa luk ten qasdiimin sara kee gaali fillat luk yen bilâ-duyye sinnim, Gidqoonul yeceen aytî-dahab dibuk labaatanni kiilo yekke.

Makaabon 9:54

Too waqdi kay silac abbaxuk suge furraynuh sissikuk secca 'yeeh, «Barra kaa qidde 'yaanamih migaq innit macabak, ama tabbixe seefit yoo qid» kaak iyye. Taaxige furraynii, xagarat kaak seef heeh kaa qide.

1 Samuwel 31:3

Woo saakih qeebi Saawul akak yan kabul kaxxam qilsuk yen. Tonna leemik Filistiin qaskar rubteh tan gaysê-baxat Saawul uma'nnah mudduumeeh madaluh raaqe.

1 Samuwel 31:5

Taaxige furrayni Saawul rabem yuble waqdi, usuk kaadu isi seef siibeh isit heeh edde rabe.