Makaabon 7:22 - NABUWWA KEE MALIKWA

²² Gidqoon mari yakkeemiik sidiica boolih baanta yoogoren waqdi, YALLI, Miidiyan mara qeebi tittat ken yuyfukuneeh, seefit titta qiden. Too mari tokkeek aben kudmah, Dareeda deqsita rasuk Beet-Sitta deqsitta magaala kee, Aabil-Macoola deqsitta magaala dariifal tan baaxoy Tabaaqot deqsitta magaalat xayuk raqtahiyya fan yoowwen.

Makaabon 7:22 ပူးပေါင်းရင်းမြစ်များ

1 Malikwa 19:16

Nimsi-baxa-Yaahu kaadu, Israayil-malik akah yakke innah, kaa uskut. Aabil-Macoola deqsitta magaalal yan Saafat-baxa-Eliisaq kaadu, ku lakal nabi akah yakke'nnah, kaa uskut.

1 Malikwa 4:12

Aciilúd-Baqna kaadu Taqnak kee Magiddo deqsitta magaalooli kee Beet-Saqan garil enna 'ta baaxok abbah yen. Beet-Saqan deqsitta baaxo, Yidraqel magaalak xayi tan Xartan deqsitta magaalak xabba haanamaay Aabil-Macoola magaala kee Yokmaqam magaalah amma 'yaanam tan baaxo.

2 Aydaad 20:23

Qammon kee Mooyab qaskar Edom qaskarat qeebih gexxa 'teeh bayissa ken heen. Tohuk wadir qeebih tittal ufkunna iyyen. Ibak gibdi qeebi tittat aben.

Yasaqya 19:2

YALLI iyyaamah, «Masri addal sahda kee sahda qeebih tittat ruubeyyooh; toobokoyta kee toobokoytaay, cuggaane kee cuggaane qeebih tittat ruubeyyo. Namma magaalah mara qaduwwih tittin amot heeyyo. Doolatwa tittat ruubeyyo.

Yasaqya 9:3

YALLAW, ken teyderreh mango mara ken abetto. Kaxxam ruffu ken heetto. Sahda buqrek daro orbissa waqdi kee dannabah orbiseenim kurrasitan waqdi elle wallitan gurral, ku foocal wallitelon.

Yasaqya 9:4

Woh akah kinnim, luk sugen quuka keenik kalettooh, sunku keenik edde aagaruk sugen caxxa aggilele. Keenit xukkutak sugeeh ken adlumuk suge mara duma Miidiyan mara elle bayisse innal baysele.

Yacedkel 38:21

Googul umaaneh innah tanim baaheyyooh, akak cunxitta 'ya umaane kaal ruubeyyo. Taham intam yoo YALLAY Mulki lehiyya. Kay mari qeebih tittal aduureleeh seefit titta qidelon.

Cabakkuk 3:14

Qaskarak abbah suge num, isi macaxut bayisse. Caacoh innah net yemeeten; kaxxam farcitak yemeeten; nee fixiixisaanam faxen. Boola akak dareemen marat, xukkutaanam faxak sugen.

Caggay 2:22

Too saaku marin doolatwa deerik afah korseyyo. Luk suggu 'yen qande keenik bayseyyo. Carbi edde aban gaariira kee woo faras-gaariira beya mara kombobboliseyyo. Faroosa kee faroosah amot yan mari rabeleeh; seefit titta selele.

Zakariyya 14:13

Too ayro too marat YALLI badit kee meysi ruubeleeh; tohuk gexxaamah kulli num isik cuggaaneh aninnaan numut qeebi abele.

Yoosuwa 3:16

weeqayti lee caxitak maraaqinnaay, Xartan deqsita aracak darrel ten Adam deqsitta magaalal gaabowte. Rabe Bad deqsita bad fan caxitak sugte lee inkitanuuk tiggiriqeh. Too waqdi sinam inkih woo lee sinni kafin baaxol gexxeeh; seekay Qahdi-Sandug quukah tabbixehiyya, Ordon weeqaytuk gudey kafinuk raqtehiyyal, ummatta inkih taturra intam fan soolak sugte. Sinam inkih Yeriko deqsitta magaalah gariik Ordonuk tabte.

Yoosuwa 6:16

Malcinhaytoh adda mermeritta 'yeenih seeka woo baanta toogore waqdi, Yoosuwa isi marak, «YALLI a magaala siinih yeceek, xongola» iyye.

Yoosuwa 6:20

Sarrak seeka baanta toogoreeh; too waqdi raqqa 'ye mari too baantah anay akah yoobbe innaak kaxxa xongoloh xongolen. Too waqdi magaalat maroh tan gasoosa tiddigilleh. Sarrak qaskar takkeemik woo magaala elle tan kooma fan yewqeeniih magaala yibbixen.

Yoosuwa 6:4

Malcina seekiy maruw gaysak bicsen *baanta gabat lehiyya woo YALLIH Qahdih-Sanduguk foocat gexxaama. Malcinhaytoh ayro woo seeka baanta taagure waqdi, koo kee ku qaskarak takkeenimik woo magaalat malcina adda mermerita.

1 Samuwel 18:19

Takkay immay Saawuluu, Dawuduk, Meerab rihimih koh abeyyo edde iyye waktit, kaa hinna'mmay, Mecuyaal deqsitta baaxok yemeete Qadriyel deqsita numuh tet abe.