Makaabon 7:15 - NABUWWA KEE MALIKWA

¹⁵ Gidqoon a numih soono kee woo soonoh maqna yoobbe waqdi, gulubuh gacca 'yeh isi Dageltah candu gacse. Tohuk lakal Gidqoon woo Israayil mari yinfiddige ikke fan yuduureeh iyyeemih, «Uguta! Uguta! YALLI Miidiyan-marak sin yiysiiseh yanik uguta» axcuk anay fayya haak yaabe.

Makaabon 7:15 ပူးပေါင်းရင်းမြစ်များ

Makaabon 3:28

Keenik iyyeemih, «YALLI Mooyab marak qeebil sin yaysiisu waah yani'mmay yoo kataya» iyye. Kaa katayeeniih, Mooyab mari Ordon weeqaytuuk gacca 'yeenih akak tabe raaren arac keenik yibbixen. Tokkel suggu 'yeenih num keenik tabe kalen.

Makaabon 4:14

Too waqdi Deboora Barakak inteemih, «YALLI koo miraacisah yanik gex. A saaku YALLI Sisrak qeebil koo aysiisele» kaak inte. Too waqdi Barak, Taabor-qalek tabna alfi takke qaskar luk oobe.

Makaabon 7:11

Tokke guftu wayta waqdi oson iyyaanam aabbettooh; too waqdi mameysittay niya kot gaceleeh, ken abbixetto» kaak iyye. Tonna-leemiik Gidqoon kee kaah taamitak yen Fuura, naqboytit elle tan arac fan gexeeniih; garih akak amma 'yen.

Makaabon 7:14

Kay kataysay woo soono akah warse kaak iyyemii, «Wohuu, Israayilih yooboke Gidqoon deqsita numih seefi. Tohu'kkal, gersim makkalin. Yoqás-Gidqoon seef kinni. Yalli Miidiyan mara kee inkih tan ni qaskarak kaa yiysiiseh yan» axcuk, soonok maqna kaah yifdige.

Makaabon 7:16

Too waqdi isi maray sidiica bool yakkehiyya sidiica ikkel kurra heeh, sarrak kulli numuh *baanta kee, addat ifoyti akak yan buuti yecee.

Makaabon 8:7

Too qangaral keenil gacsemii, « ‹Meqeh hay maca le! YALLI Debac kee Xalmunna yi gabal hayu waa saaku, keenan kee tiqir le coox tu elle ane sinni ardik bahha heeh, sin aagureyyo» keenik iyye.

1 Samuwel 1:28

anu kaadu YALLIH num yakke'gidih, kaa aceeh an. Qumri kaak yanim fan YALLIH taamat gacele» inte. Usuk tokkel YALLA yuqbude.

1 Samuwel 14:12

Sarrak Yonaatan kee kaa'lih yan furraynuh seeceenih, «Siinih warisnam fanxam linok, annah nel ama» keenik iyyen. Too waqdi Yonaatan is lih yen furraynuk, «Yoo katay; YALLI keenik nee yiysiiseh yanik» iyye.