Makaabon 7:13 - NABUWWA KEE MALIKWA

¹³ Gidqoon wokke gufe waqdi, kataysa, isi kataysah soono warisah yoobbe. Woo kataysa kataysak iyyemii, «Gabru deqsitta darok bicsen gaqamboyta kombobbolitak amma 'teh elle nanfiddige aracal yan siraaqal radde. Too waqdi woo siraq qanxixeeh baaxok bagul deerih rade» kaak iyye.

Makaabon 7:13 ပူးပေါင်းရင်းမြစ်များ

Makaabon 3:15

Takkay immay YALLAL weeqah hayya heen waqdi, YALLI ahak currih ken yayyaaqu waa num keenih hee. Tohuu, Benyaamah yooboke Gerá-Eehud deqsita guralik yen num yen. Israayil mari gabal kaak gabbara hayya heenih malik fanah kaa ruuben.

Makaabon 3:31

Eehud lakal Israayil mara cattem, Qanát-Samgar deqsita numuk ten. Usuk Filistiin marak laca boolih num, laa edde dacrisan af le birtat qide.

Makaabon 4:21

Sarrak kaxxam cawaleh yeneeh kaxxa xiinit yan waqdi, Yaqel maataka kee siraq edde daabisan birta gabat hayya hayteh, caatih kaa fan amma 'teh, siraq edde daabisan birta moyyak tattabat kaak muddeh; too birti baaxo guffu haam fan dagaak maatakat aatakuk kaa qidde.

Makaabon 4:9

Too waqdi is kaak inteemih, «Meqeh hay, ko'lih gexeyyo'mmay, anu sin lih gexek, qeebil geynu wayna iisa barrah migaaqah orbele ikkah, ku migaaqah orbe waytam taaxigeemi. YALLI Sisra barrâ-gabat heele» kaak inte. Toh inxicca 'teeh Deboora Kedes fan Barak lih gexxe.

Makaabon 6:15

Too waqdi Gidqoon iyyemii, «Yi amoytaw, anu Israayil mannal catah an? Manassek, anu akak an exxa, kedok inkih boolah gacca 'ya maraay; anu kaadu inni buxah marak inkih gaca num kinniyo way, mannal ken catah an?» iyye.

Makaabon 7:12

Miidiyan kee Qamaalek kee ayrô-mawqa le kabu ten baaxol eneyya 'ya mari, woo daqaarih addal, mangah qanayti gide akkuk yeneeh; kulli'kkel cakakka 'yen. Baddi-afal qiddeyti mangah yakkeh gide yakke gaala luk yenen.

Makaabon 7:14

Kay kataysay woo soono akah warse kaak iyyemii, «Wohuu, Israayilih yooboke Gidqoon deqsita numih seefi. Tohu'kkal, gersim makkalin. Yoqás-Gidqoon seef kinni. Yalli Miidiyan mara kee inkih tan ni qaskarak kaa yiysiiseh yan» axcuk, soonok maqna kaah yifdige.

Makaabon 8:10

Debac kee Xalmunna, Karkor deqsita aracal isinni qaskar lih yenen. Woo ayrô-mawqa le kabuk temeete qaskarak taban kee koona alfih num elle raqte. Bool kee labaatanni alfih qaskariiti rabeh.