Makaabon 6:5 - NABUWWA KEE MALIKWA

⁵ Tonnal laa kee sirooqa gabat luk mangah qanayti gide akkuk yemeeten. Ken kee ken gaali ixximâ-mangah loowimak mananna. Israayil baaxo amma 'yeenih baaxol sugga 'tem inkih keenik bayisak sugeeniih;

Makaabon 6:5 ပူးပေါင်းရင်းမြစ်များ

Yasaqya 13:20

Sahdayti sarrah, dabqih teetil magacaay; sahda elle gace wayta abuuruh raaqele. Gexak yemeete Qarabtoyti siraq teetil maha. Illi le num illi teetil mayayloola.

Yasaqya 60:6

Kulli kaalibik koo fan amaatelon. Miidiyan kee Qeefa rasuk mango soosá luk kol amaateloonuuh, kok deraafit raqta baaxol too soosák amaggeleeh; Sabâ-garik dahab kee qaydarus gaalal quukah le mari amaatele. Too mari, anu abe kaxxa taamat yaabak, yoo fayliselon.

Ermiyaas 49:29

Siraqwa kee illi keenik dannabah orbisa. Siraq addal lon reebuh haan sara keenik beya. Siraq addal elle haanamak tu macabinay dannabah keenik beya. Gaala kaadu keenik buuba. Too waqdi ‹Kulli ikkel cunxo net qidan!› 'yaanam axcelon.

Ermiyaas 49:32

Gaala keenik dannabah beya. Laa keenik dannabah orbisa› kaak exce. Keeniy amô-xagor namma seltak isik yargiqehiyya kulli baaxol fixixih ruubeyyo. Kulli kabuk bala keenil oobiseyyo.

Ermiyaas 51:14

YALLAY Nabaamak Nabahiyya isi migaaqal xiibiteeh, iyyemii, «Baabelon rasow, mangah qanayti innah ixxima akak amixxige waa mara baaxot siinik ruubeyyo. Too mari qanayti innah inkih yan Baabelon rasu bulla heele; Baabelon ken gubat gacteemih qililiselon» 'yaanam iyye.

Makaabon 7:12

Miidiyan kee Qamaalek kee ayrô-mawqa le kabu ten baaxol eneyya 'ya mari, woo daqaarih addal, mangah qanayti gide akkuk yeneeh; kulli'kkel cakakka 'yen. Baddi-afal qiddeyti mangah yakkeh gide yakke gaala luk yenen.

Makaabon 8:10

Debac kee Xalmunna, Karkor deqsita aracal isinni qaskar lih yenen. Woo ayrô-mawqa le kabuk temeete qaskarak taban kee koona alfih num elle raqte. Bool kee labaatanni alfih qaskariiti rabeh.

Makaabon 8:21

Too waqdi Debac kee Xalmunna Gidqoonuk annah inte. «Labhâ-taama abtam labhaytuk, amay isih nee qid» kaak iyyen. Too waqdi Gidqoon ken qideeh; ken gaalih fillat bilqah heenih sugen bilâ-duyye beeh.

1 Samuwel 30:17

Dawud nammeyhaytoh ayro carri tikka 'yam fanah qeebi keenit abak sugeeh, sarrak ken yibbixeh. Affara boolih furraynuy gaali amot sugtehiyyak kalih marak num maasilliminna.