Makaabon 6:36 - NABUWWA KEE MALIKWA

³⁶ Tohuk lakal Gidqoon Yallak iyyeemih, «Atu, ‹Israayil ku gabat cateyyo› yok inte.

Makaabon 6:36 ပူးပေါင်းရင်းမြစ်များ

2 Malikwa 20:9

Yasaqya kaal gacsemii, «YALLI isih iyyem duuduselem elle taaxigu wayta asta koh aceelek; atu iraawo tabna maaqatta foocah gexxam kee tabna maaqatta wadir gexxaamak maca koh tayse?» kaak iyye.

Yasaqya 7:11

Too farmol YALLI iyyeemih, «Qaran takkuu, akeeral takku, tuk teenah asta koo aybulleem keh yok esser 'yaanam YALLAY ku Dageltah yanihiyya kok iyyah yani kaak inxic» iyye.

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Makaabon 6:14

Tohuk lakal YALLI kaa fan wagteh kaak iyyeemih, «Koo rubtam yook, caylak litoh gide koo xiqtah tanik, gex. Israayil mara Miidiyan marih xukkok cat» iyye.

Makaabon 6:16

YALLI kaadu kaak iyyeemih, «Anu koo cateyyooh; tonnal abtu duudetto. Miidiyan mari qandek inki numih gide kol mayallaay; bututtukka ken heetto» kaak iyye.

Makaabon 6:37

Hay meqek, anu woo burri-cabuub elle afiile'kkel, idak yirgiqen xagor heeyyo. Maaca too xagoorih xagaral naafu macsissaay baaxo kafinuk macsisse tet tekkek, tonnal atu Israayil mara yi gabat cattam faxxam aaxigeyyo» iyye.

1 Samuwel 14:10

Hinna'mmay, ‹Ni fanah ama› nek iyyeenik, tonnal ken fan gexenno. YALLI keenik nee aysiiselem elle naaxagu waynam tonna» iyye.