Makaabon 6:34 - NABUWWA KEE MALIKWA

³⁴ YALLIH *Roocaaniyya Gidqoonul obteeh; usukuuy Abiqederik rade mari kaa elle kataata'gidih, *baanta keenih yoogore.

Makaabon 6:34 ပူးပေါင်းရင်းမြစ်များ

1 Aydaad 12:18

«Yaaxigen Soddomuk» qaskar abba yakku waa numuy Qamaasay deqsitahiyya too marak numuk teenak ten. Too waqdi Yallih *Roocaaniyya kaal obteeh, isi milkih kaa hayte. Too num too waqdi anay fayya haak yaabeeh, «Yiisâ-baxa Dawudow, nanu ku mara kinninoh, ko'lih nan. Yalla kinni ku Dagelti ku qaxat yaniih; amaan kee wagari ko'lih yanay. Qeebil koo cata mari nasri geyay» iyye. Too waqdi Dawud ken arcibiseeh isi qaskarak abbobtih ken hee.

1 Aydaad 12:19

Tohuk kalah kaadu, Manasseh yooboke marak garab, Dawud kee Saawul toome saaku, Dawud qaxat gace. Too saaku Dawud Saawulut qeebi aba'gidih Filistiin mara lih Saawul gaaduh gexe. Takkay immay Filistiin mari woo gaadul Dawud maamaninnoonuuy; akah kaa aamine weenim, «Duma kay amoytah suge Saawul yabalu waa waqdi, nee cabba heeh kaa fan nek korek, bayenno» 'yaanamak ten. Tonna-leemiik, «Atu ahaksa Xiklag fan uttuduur» kaak iyyen. Tonna-leemiik too gaaduh ken lih magexinnay Xiklag magaala fanah yuduure.

2 Aydaad 24:20

Sarrakaa, seekik raaqe baxay Zakariyya migaq luk yenehiyyal Yallih Roocaaniyya obte. Too sek sinam kaa elle table ikkel solla 'yeeh, anay fayya haak, «YALLI siinik iyyaamah, ‹Ummatey, yi amri akah cintaanaah bala isinnil akah oobissaanam macaa? Yoo cinteeniih anu kaadu sin cineh› siinik iyyah yan» iyye.

Yoosuwa 17:2

Yoosuwa wohuk kalah yan maray Manasseh yoobokehiyyah Ordonuk ayrô-culma le kabut raqta baaxol ken xexxar keenih yecee. Manassek too baaxo akah yeceenim maa maraay itteenikii, Abiqeder kee Ceelek kee Asriil kee Seekem kee Ceefar kee Samiidaq deqsitta labhak rade marak ten. Too labha yakkeenimiik Yuusuf-Manassek rade marak yenen. Kulli num keenik isi kedoh exxak abbah yen.

Makaabon 13:25

Usuk Daan-Mafdaga deqsita aracay Xorqa kee Estooluk fanal yanihiyyal yan saaku, YALLIH *Roocaaniyya maqar kaat hayte.

Makaabon 14:19

Too waqdi YALLIH Roocaaniyya cayla kaat hayteeh; Askalon deqsita arac fan gexxa 'yeh, soddom num qiddaay sara keenik kalla heeh, oson luk sugen qax-meqe sara woo ixig-ixiga yifdige marah yeceeh. Takkay immay tekkeemih naqabu xagarat luk isi abbah buxah yuduure.

Makaabon 15:14

Laci deqsita arac yemeete waqdi, Filistiin mari waxxaq axcuk arduk kaa fan yemeete. Garciik YALLIH *Roocaaniyya cayla kaat hayteeh, too waqdi caray kee mogoyut axawah kaak suge namma akat gira tokme tafulta elle yargiqen gurral yirgiqe.

Makaabon 3:10

YALLIH *Roocaaniyya kaal obteeh; too waqdi Israayil ummatak abba yekke. Sarrak Mesbotaamiyah malikiy Kusan-Risqatayim deqsitehiyyah gaaduh gexeeh, YALLI too malikik qeebil kaa yiysiiseh.

Makaabon 3:27

Qaleela le Efrayim rasu gufe waqdi Israayil marah *baanta yoogoreeh, «Ummatey carbih uguta» iyye. Too mari yemeete waqdi, qaleelâ baguy dabaqah elle sugeenik foocat gacca 'yeh ken bee.

Makaabon 6:11

Tohuk lakal YALLIH malaykatti Qofra deqsitta magaala fan yemeeteeh; wokkel garsâ-gubal daffee. Woo caxa luk tenem, Yoqas deqsita numuy Abiqeder marak radek ten. Kay baxi Gidqoon, Miidiyan-mari kaa akah able waa'nnah, qinab caxah maqab elle bicsan aracal kamadii kee caffa tittat anfiyak suge.

Makaabon 8:2

Usuk too waqdi keenik iyyemii, «Anu abem isin abteenimih gide takkem hinna. Isin inkih yan Efrayim marak abteenim, ni mari yakkeemiik abeemik fula le.

1 Samuwel 10:6

Too waqdi garciik YALLIH *Roocaaniyya isi milkih koo heeleeh, atu woo oson diinih aban rigdot ken lih angaletto. Atu kaadu keenik kaxxih nabuwwah innah yaabetto. Too waqdi akah suge wayte num akketto.

1 Samuwel 11:6

Saawul tah yoobbe waqdi, Yallih *Roocaaniyya isi milkih kaa hayya hayteeh, too waqdi bagcarrite.

1 Samuwel 13:3

Yonaatan Gabaq deqsitta magaalal yan Filistiin qaskarak dago marat qeebi abeh keenik yeyse. Filistiin mari toh yoobbeh. Tohuk lakal Saawul iyyeemih, «Inkih tan Qibraan ummattah *baanta uguraay tekkem keenih warisa» axcuk, farmoytitte ruube.

1 Samuwel 16:14

YALLIH Roocaaniyya Saawul xagarak gexxeeh; YALLI kaal ruube ginni kaa biyaakeh.