Makaabon 6:33 - NABUWWA KEE MALIKWA

³³ Tohuk lakal Miidiyan kee Qamaalek kee ayrô-mawqa le kabu ten baaxol eneyya 'ya mari inkih tittal gaabowwa 'yeh, Ordon weeqaytuk gacca 'yeenih Yidraqel-Daqaral yinfiddigen.

Makaabon 6:33 ပူးပေါင်းရင်းမြစ်များ

1 Malikwa 18:45

Dago waktih addat data qamburre qaran bulteeh, kaxxa caacay yemeeteeh. too waqdi kaxxa rob rade. Acab isi gaarih amot gacca 'yeh Yidraqel fan yuduure.

1 Malikwa 21:1

Yidraqel magaalah addal, Malik-Acab buxah garil, qinab-coox elle yaysubuken arac le numuy migaaqah Nabot deqsitahiyya yen.

1 Malikwa 4:30

Suleeman kulli numuk kasah aysuk yen. Ayrô-mawqat raaqa mara kee Masri mara tekkek, tikki 'ta ummattak inkih kasah aysuk yen. Etan deqsita numuy Qedra deqsita gulubuh yoobokehiyyak kasah aysuk yen. Macol deqsita numih xayloy migaaqah Heeman kee Kalkol kee Dardaq akak axcuk yeneenihiyyak kasah aysuk yen. Woo deraafil enna 'ta baaxooxal kas kee migaq-gexxo le malikik yen.

1 Aydaad 5:19

Osonuuy Hagrih-yooboke-mara kee, Yatuur kee Nafis kee Noodabak rade marat qeebi aben.

Yacedkel 25:4

Tahat ruffu inteenimih sabbatah, ayrô-mawqa le kabut raqta bacarih tan baaxok yemeete mari baaxo siinik akah yabbixe innah, siinik abeyyo. Too mari isinni duyye luk amaateleeh; dabaaqah sin baaxol nookelon. Isin akme rarten caxâ-miri kenim akkeleeh; isin nake rarten can, sin baaxol, oson nakelon.

Hosiqa 1:5

Yidraqel-Daqarih addal Israayil qaskar le qande selsiiseyyo» iyye.

Yoosuwa 17:16

Too waqdi Yuusufuk radde Efrayim kee Manasseh yooboke mari Yoosuwak iyyeemih, «Qaleela le baaxo nek qunxaah; takkay immay Kanqaan maray booxaaxah tan baaxol yanihiyya birtak bicsen gaariiray carbi edde abaanahiyya lon. Too mari elle yanim, Beet-San deqsitta magaala kee tet dariifal tan gaandoodi kee tonnah Yidraqel-Daqar deqsita aracak ten» kaak iyyen.

Yoosuwa 19:18

Keenih yeceen magaalooli ah teeti: Yidraqel kee Kasullot kee Suunem kee

Yoosuwa 3:16

weeqayti lee caxitak maraaqinnaay, Xartan deqsita aracak darrel ten Adam deqsitta magaalal gaabowte. Rabe Bad deqsita bad fan caxitak sugte lee inkitanuuk tiggiriqeh. Too waqdi sinam inkih woo lee sinni kafin baaxol gexxeeh; seekay Qahdi-Sandug quukah tabbixehiyya, Ordon weeqaytuk gudey kafinuk raqtehiyyal, ummatta inkih taturra intam fan soolak sugte. Sinam inkih Yeriko deqsitta magaalah gariik Ordonuk tabte.

Makaabon 6:3

Israayil mari buqreh dariyyu qidinnaan waqdi, Miidiyan-mari, Qamaalek-mara kee ayrô-mawqa le kabul yan mara lih gacca 'yeenih qeebih keenit abak ken abbaxuk yenen.

Makaabon 7:1

Gidqoonuy Yarubbaqal yaaxigeenihiyya kee, kay mara inkih, yakkeenimiik maaca ugutta 'yeeniih Carod-buyyih garil yinfiddigen. Miidiyan mari keenik kilbat le kabut raaqa daqaaray Moore deqsitta koomak garil yanihiyyal gacen.

Makaabon 7:24

Too waqdi Gidqoon, Efrayim baaxok qaleela mango rakaakayal tan Efrayimih yooboke marah farmo ruube. Keenik iyyeemih, «Miidiyan marat qeebi abtaana'gidih ama. Ordon weeqaytuk Beet-Baara fan, lee le arooca inkih tabe ken kaltaana'gidih, amaay qeebi keenit aba» 'yaanam keenih ruube. Inkih yan Efrayimih yooboke marih seeco abeeniih; too seecol Efrayim mari Ordon weeqaytuk Beet-Baara fan enna 'ya lee le arooca yibbixen.

Makaabon 7:8

Too waqdi Gidqoon woo sidiica boolih numuk kalih mara buxah ruube. A sidiica boolih num, woo mari gabat luk suge sakayi kee *baantooti keenik raaqisen. Miidiyan mari, oson elle yanin aracak gubat raaqa daqaaral yinfiddigen.