Makaabon 6:13 - NABUWWA KEE MALIKWA

¹³ Too waqdi Gidqoon YALLIH malaykattuk iyyeemih, «YALLI ne'lih yenek, annah tanim net akah takkem maca kot celta, yi amoytaw?» kaak iyye. «Ni kaxxa abbobti neh warisseh sugte qagabah taniimiy YALLI abeh iyyeenihiyya kee, Masrik ken elle yeyyeeqe'nnay neh warseenihiyya maca tekke? YALLI maqal net aalle cineeh; Miidiyan marih xukkot yan mara nee abe» iyye.

Makaabon 6:13 ပူးပေါင်းရင်းမြစ်များ

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

Yasaqya 41:17

«Tu maleela kee masaakiina yaaquben leeh goranat gacta'mmay mageyan. Katla keenik bakaarah kaffa 'te'mmay yoh seecan waqdi, too bakaarak yooy YALLAH yani ken wadele. Yooy Israayil doore Dagelta kinnihiyya gibdaabina kee gadaamal ken macaba.

Yasaqya 63:11

Too waqdi dumî-daban kassa heeh; Muusa kee isi mara kassa hee. YALLAY isi ummatta kee ken loyna badak cateh yenehiyya mankel yan? YALLAY isi Roocaaniyya ken gudel heeh yenehiyya mankel yan?

Yasaqya 63:15

YALLAW, qaraanay taahiriino kee nabna luk elle tanihiyyak, nee fan wagit. YALLAW, nee waduh luk ten fayxi manke kok gexxe? Nee catuh luk ten qande maca tekke? Neh luk ten kacanu kee xuwaw maca yekke? Nee mamaaqilin.

Ermiyaas 23:33

Ermiyaas iyyemii, YALLI yok iyyeemih, «Tahak wadir yi marih num takkuu, seeka kee nanu nabuwwa kinnino iyya marak numuk teeni, ‹YALLI farmoh maca kol ruube. Ta saaku kaadu quukah maca nel haam faxa?› kok iyyeenik, keenik intamaa, ‹YALLAL quuka tekkem siiniiy; tohuk gexxaamah YALLI sin bayisaamat yemeeteh yan› keenik inxic.

Makaabon 6:1

Israayil mari fiirik geerah dambi lem YALLAL baahen. Tohuk gexxaamah YALLI malcina sanatah Miidiyan-mara abbootanah amol keenik hee.

Makaabon 6:12

Too waqdi YALLIH malaykatti tokkel kaah yumbulleeh, kaak iyyemii, «Qande le agirow, YALLI ko'lih yan» kaak iyye.