Makaabon 4:15 - NABUWWA KEE MALIKWA

¹⁵ Barak isi qaskar luk ken yabbixuh yemeete waqdi, YALLI, Sisra kee kay gaariiray biriitak bicseenihiyya kee kay marat badit qide. Too waqdi Sisra isi gaarih amok oobeh ibay ibah yoowwe.

Makaabon 4:15 ပူးပေါင်းရင်းမြစ်များ

2 Malikwa 7:6

Yalli, Suuriyah-marat mango qaskaray gaariira kee faariisa lehiyya amaatih yaabbeenim keenit celsiise. Too waqdi Suuriyah-mari tittak iyyemii, «Israayil-mari, Ciita kee Masri malikwa kee ken qaskar amma 'yeenih qeebi net abaana'gidih, maalut xaamen» iyyen.

Yoosuwa 10:10

Gibqoonul YALLI, Israayil marih foocal, Amoorâ-mara fixixiseeh, qeebit akah baditan innah keenik abe. Too waqdi YALLI ken catak, woo qalek akak taban gitak keenit aben ardah Beet-Coron deqsitta magaala fan ken baahen. Qadeeka kee Makkeda deqsitta namma magaalak gabbi qaxa raaqa arac fan gital ken qidak ken baahen.

1 Samuwel 7:10

Samuwel Yallih sadgatih abittot yan waqdi, Filistiin-mari ken yabbixe'gidih keenit xayyooweh yen. Too waqdi YALLI qaraanaak kakkaqo keenil ruube. Too waqdi aben wariggah fixixeenih, mariiy kabul keenik gexe. Toh yublen waqdi, Israayil mari Mixfa deqsita aracaak keenit aben ardat Beet-Kaar deqsitta magaala fan ken baahen. Gital mango mara keenik qideenih, keenik yayseenih.