Makaabon 3:5 - NABUWWA KEE MALIKWA

⁵ Sarrak, Israayil mari, Kanqaan-maraay Ciitâ-maraay Amoorâ-maraay Feriidâ-maraay Ciiwî-mara kee Yabuusâ-mara lih ken baaxol dabqih gacen.

Makaabon 3:5 ပူးပေါင်းရင်းမြစ်များ

1 Malikwa 9:20

Suleeman a xisne edde absiisem, duma too baaxol suge maray Israayil mari bayse weehiyyak rade marak ten. Too mari migaaqah Amoora kee Ciita kee Fariida kee Ciiwi kee Yabuusa deqsitta kedoodah yaabuke marak ten. A saaku fanah, Israayil mari too marak rade mara naqoosah tamsiisa.

Nacmiya 9:8

Abraahim ku garil digga le num kinnim tubleh; xagana kaa'lih haysitte. Kaak rade marah baaxo ikoytah aceettoomih xagana kaah culte. Too baaxo, Kanqaan kee Ciitaay Amoora deqsita maraay Feriida kee Yabuusaay Girgaasah yooboke marih baaxo. Inteemil digga le Dagelta kinnitooh, xagana akah cultem abteh.

Yoosuwa 11:3

Qagteh kaadu, Kanqaan baaxoh maray ayrô-culma kee ayrô-mawqat raaqahiyya kee, Amoorah yooboke maraay, Ciitah yooboke maraay, Feriidah yooboke maraay, Yabuusah yooboke maray woo qaleelah tan baaxol guubuh yenehiyya kee, tonnah kaadu, Ciiwih yooboke maray Cermon qaleh ragidil Mixfa deqsitta baaxol guubuh yenehiyyah edde farmo ruube.

Yoosuwa 9:1

Israayil mari gee nasri, Ordon weeqaytuk ayrô-culma le kabu raqqa 'ta amoytitiy qaleelah tan baaxo kee ayrô-culmat raqta mango koomaami le baaxol tanihiyya toobbe. Tonnah kaadu, Maditraaniyah badak afoofil tan gubbih tan baaxok xabba haanamaay Lubnaan baaxoh amma 'yaanam tan baaxoh amoytitte inkih ta yab toobbe. Tohum Ciita kee Amooraay Kanqaan kee Feriidaay Ciiwi kee Yabuusah yooboke marih amoytittek ten.

Makaabon 1:4

tonna-leemiik Simqaanah yooboke mari too gaaduh ken lih gexen. YALLI too qeebil nasri keenih yeceeh, Kanqaan kee Feriidah yooboke marak yeyseenih. Bedek deqsita aracal tabna alfih numuk yeysen.

Makaabon 1:5

Adoonibedek wokkel geeniih qeebi kaat aben. Tonnal Kanqaan kee Feriidah yooboke marak yeysen.