Makaabon 3:3 - NABUWWA KEE MALIKWA

³ Yallih fayxih baaxol raqtemii, Filistiinik koona magaalal yen mara kee, wohuk kalah, Kanqaanah yooboke maraay Saydâ mara kee, tonnah kaadu, Ciiwih yooboke marak ten. Ciiwî mari Lubnaan qaleelak Baqal Cermon deqsitta qaleh ragidik xabba haanamay Camat deqsita daabah amma 'yaanam tan baaxol yen marak ten.

Makaabon 3:3 ပူးပေါင်းရင်းမြစ်များ

2 Samuwel 24:7

Too magaalak gabbi-qaxal geytimta Suur-magaalay gaso maroh edde tanihiyya yemeeten. Tokkek Ciiwi kee Kanqaan magaalooli inkih yemeeten. Ellecabol Yuudâ-rasuk gabbi-qaxat raqte Bersabaq deqsitta magaala yemeeten.

1 Malikwa 8:65

Qibaadâ-Qaril Suleeman kee inkih tan ummatta Iraawô-Dabih-Qiid deqsita qiidih YALLAY ni Dagelta kinni aynabukuuy africuk malcina ayro qiidih asen. Too qiidih gaaboowe mari kaxxam manguk yeneeh; Camat deqsitta daabak xabba haanamaay Masri cuduudul yan daqaarah amma 'yaanam baaxok inkih mango mari woo qiidih yemeete.

1 Malikwa 9:20

Suleeman a xisne edde absiisem, duma too baaxol suge maray Israayil mari bayse weehiyyak rade marak ten. Too mari migaaqah Amoora kee Ciita kee Fariida kee Ciiwi kee Yabuusa deqsitta kedoodah yaabuke marak ten. A saaku fanah, Israayil mari too marak rade mara naqoosah tamsiisa.

Yacedkel 47:20

«Ayrô culma le kabut raaqa cuduud Maditraaniyah bad kinni. Kilbat le kabuk Camat deqsita daabay gitah gacaanahiyyak foocat yan arac fan yakke.

Yoosuwa 11:19

Israayil mara lih qalla haysittem, dibuk Gibqon magaalah marak teneeh; too magaalal Ciiwi deqsita marak tu takkem ten. Raqqa 'ye mara inkih edde yibbixeenim carbik ten.

Yoosuwa 11:3

Qagteh kaadu, Kanqaan baaxoh maray ayrô-culma kee ayrô-mawqat raaqahiyya kee, Amoorah yooboke maraay, Ciitah yooboke maraay, Feriidah yooboke maraay, Yabuusah yooboke maray woo qaleelah tan baaxol guubuh yenehiyya kee, tonnah kaadu, Ciiwih yooboke maray Cermon qaleh ragidil Mixfa deqsitta baaxol guubuh yenehiyyah edde farmo ruube.

Yoosuwa 13:5

Gabal deqsita marih baaxo mabbaxinniton. Ayrô-mawqa le kabut raaqa Lubnaan rasu kaadu uxih mabbaxinniton. Tohumuu, Baqal-Gaad magaalay Cermon qalek gabbi qaxat raqtahiyyak xabba haanamaay Camat deqsita daabah amma 'yaanam tan baaxok ten.

Yoosuwa 19:28

Qabdon kee Racob kee Cammon kee Kaana deqsitta magaalooliik Sayda deqsitta magaalah amma 'yaanam takke.

Yoosuwa 9:7

Too waqdi Israayil mari keenil gacsemii, «A xayi aracak yemeete mara kinnitoonum keh, macak naaxigeh nan. Qalla siinit mannal hayna?» keenik iyyen.

Makaabon 10:12

Saydâ maraay Qamaalek kee Maqon mari siinit xukkutak suge. Tohuk yol weqteeniih; anu too waqdi oson siinit abak sugen xukkok sin cateh.

Makaabon 10:7

Tonna-leemiik YALLI ken yinqibeeh; tohih sabbatah Filistiin kee Qammon mari qeebih keenik iysissa heeh reedah amol keenik hee.

Makaabon 14:4

Kay xaleena aham kaa absissam, YALLA kinnim maaxaginnaay; YALLI Filistiin-maral umaane baaham faxak yen. Too dabaanal Filistiin-mari Israayil-marak reedah amol yenen.

Makaabon 18:7

Toh keenik inxicca 'ye waqdi, woo koona num Laysâ-magaala fanah safarte. Too magaala gufen waqdi, magaala yubleeniih; magaalal yan mari hammi sinnim amaanah elle xiinan inna keenik yismiteenih. Saydâ-marak kaxxih, a magaalal yan mari amaanah yeneeniih; ken xagtam mananna. Oson kaadu xagtan mara luk manannon. Mano keenil muquk teneeh; faxxa haanam inkih luk yenen. Laysâ-magaala, Saydâ marih magaalak xeeruk raaqak teneeh; hebeltô-mara luk heen bica kee qalla luk manannon.

Makaabon 3:2

Ken akah yaqiyyireemik sabab macaay itteenikii, Israayilik-gamaddi-adoy qeebi able waytehiyya qeebi baritta'gidih abe.

Makaabon 4:2

Tohuk gexxaamah YALLI, Yaabin deqsita malikiy Kanqaanah yoobokehiyyay Caxor magaala xiinisak yenehiyyak carbil ken gacsiiseeh kay gabat ken yiysibixe. A malikih qaskarih abba, Sisra deqsita numuy Carooset-Goyim deqsitta magaalal guubuh yenehiyyak ten.

1 Samuwel 13:5

Filistiin mari Israayil marat qeebi aba'gidih gaaboowe. Qeebi edde aban gaariirak soddom alfi takkem luk yenen. Laca alfi takke labhay faaris amok qeebi abta luk yenen. Kalah ten qaskar keenik mangah qadad luk manannaay mangah qiddeyti axxul luk yenen. Too macaxi Mikmas deqsita aracay Beet-Awen deqsitta'kkek ayrô-mawqa le kabut raqtal yinfiddigen.

1 Samuwel 29:2

Filistiin malikwa kee ken mari bool-bool kee alfi-alfih gacca 'yeenih fooren. Dawud kee kay maraay keenik salafat Malik-Aakis lih gexen.

1 Samuwel 6:16

Filistiin koona malik, a mari ah abe waqdi ken wagitak sugeeh, sarrakaay too ayrot edde Ekron fanah yuduuren.

1 Samuwel 6:18

Woo hantuuti ceelok bicsen dahooba kaadu akah ruubeenim, woo koona malik abbah akak tan magaalooli migaaqal tiya tiyah bicseenimih sabbata. Oson abbobtih akak yeneenim, gaso maroh edde tan magaalooli kee gaso sinni gaandoodiy Filistiin rasul geytimtahiyya. Woo kaxxa xixxaqay Beet-Semes magaalal Yoosuwa deqsita numih buqreh addal woo saaku YALLIH Qahdih-Sandug bagul akak heenihiyya, woo saaku tekkeemih sumaaqah, a saaku fan wokkel elle yan.

1 Samuwel 6:4

Oson, «Hay, abne dambik qafu geyna'gidih, mannah tan mattaco kaah rubnooh?» iyyen. Too mari keenil gacseemih, «Laahi-baxxi ceelok bicsen koona dahab kee, hantuuti ceelok bicsen koona dahab bicisa. Woo konooyuk kulli tiiy Filistiin baaxoh koona malikih migaaqak loowimele. Sin kee Filistiin koona malikil raddem inki bala.