Makaabon 3:11 - NABUWWA KEE MALIKWA

¹¹ Tohuk lakal morootom sanatih gide woo baaxol amaan gace. Sarrak Qotniyelil Yallih amri yemeete.

Makaabon 3:11 ပူးပေါင်းရင်းမြစ်များ

1 Aydaad 4:13

Kenad, Qotniyel kee Seraaya xale. Qotniyeliiy Catat kee Maqonootay xale.

Nacmiya 9:28

Takkay immay amaanah xiinak sugen waqdi, dambit qagteenih. Too waqdi kaadu ken naqboytiitih gabat radoonay ken inte. Naqboytit gabal ken hayte. Oson toobiteeniih cato kol esseraanam tuble waqdi, qaraanak ken weeqa toobbe. Litoh tan racmattak gexxaamah, koo esseren cato keenih oggolteeh; cato koo esserinnaan waqdi, ken catak sugte.

Aster 9:22

Ta namma ayro Yahuud mari naqboytit edde bayse ayro; ta alsat akke raarte rooka kee niyâ-digloh aftok africuk kee ruffu edde iyyen ayro. Tonna-kinnuk tama namma ayro qiidih asaay, kulsa le maaqo tittah ucuya. Masaakiinah kaadu acwa ucuya 'yaanam elle tan warkat keenih ruube.

Yoosuwa 11:23

Tonnal YALLI Muusa akah amrise innal, Yoosuwa woo baaxo yibbixeh. Yoosuwa woo baaxo Israayil marah ikoytah yeceeh; kulli kedohuuy exxa-exxah keenih kure. Kulli kedoh ken gufa ken xexxar keenih yecee. Too ayrok wadir ummatta carbik toffoofeh raqte.

Yoosuwa 15:17

Toh yoobbe waqdi Kaalib-toobokoytih-baxay migaaqah Qotniyel deqsitahiyya woo magaala yibbixe. Too waqdi Kaalib isi baxá Qaksa digibih kaah yecee.

Makaabon 3:10

YALLIH *Roocaaniyya kaal obteeh; too waqdi Israayil ummatak abba yekke. Sarrak Mesbotaamiyah malikiy Kusan-Risqatayim deqsitehiyyah gaaduh gexeeh, YALLI too malikik qeebil kaa yiysiiseh.

Makaabon 3:12

Israayil mari isi uma taamat qagteeh; too uma-taama YALLIH garil dambih keenil loowinte. Oson too umaane abeenimih sabbatah, YALLI, Qeglon deqsita malikiy Mooyab rasul malikih yenehiyyah qande yeceeh keenik yiysiise.

Makaabon 3:30

Too ayro Mooyab-marak qeebil yeyseeniih; baaxo tohuk wadir bacra-tabanih sanatah amaan tekke.

Makaabon 3:9

Sarrak Israayil mari weeqah YALLAL hayya heen. YALLI too waqdi ta malikih gabak currih ken yayyaaqu waa num keenih ruube. Tohumuu, Qotniyel deqsita numuk ten. Qotniyel Kanad baxak ten. Kanad, Kaalibik qunxa toobokoytak ten.

Makaabon 5:31

YALLAW, ku naqboytit ta marih rabah rabtay. Ku kacnoytit tawqe ayroh innah ifay» 'yaanam axcuk saare aben. Tohuk lakal morootom sanatih gide woo baaxol amaan gace.

Makaabon 8:28

Miidiyan mari qeebil Israayil marak gaceeh; tohuk wadir gandi keenil akkuk maraaqinnon. Gidqoon rabba 'yam fan woo baaxol morootom karmah gide wagri gace.