Makaabon 21:25 - NABUWWA KEE MALIKWA

²⁵ Too dabaanal Israayil addal malik manannaay; tonna-leemiik kulli num isih faxem abbaasitak yen.

Makaabon 21:25 ပူးပေါင်းရင်းမြစ်များ

Yasaqya 53:6

Gitak hoxe illih innal nen. Gitak honxeh, makot genxe; ninnih fanxem abak sugne. Nakkeemiik, tikka 'nah gidek nel amaatuk ten digaalah, YALLI ni aftok kaa digaale. Nanu edde asneh sugne dambi YALLI kay amo yeyyeeqe.

Yasaqya 66:3

«Sahda isih faxxem abbaasitta. Sadgatah saq qidaanam kee sahda qidaanam keenil inki gide. Anaqtu qidaanam kee kuti filla yaggileenimiiy, daro sadgatah baahaanam kee ceray qabala sadgatah caxaanam keenil inki gide. Qaydarus qeerisaanam kee, deedaltam yalla 'yeenih yaqbudeenim keenil inki gide. Yalla umâ-yabulih yan gital yaqbudeeniih, tohut ruffa iyyan.

Makaabon 17:6

Too dabaanal Israayil rasul malik manannaay; tonna-leemiik kulli num isih faxem abbaasitak yen.

Makaabon 18:1

Too dabaanal Israayil mari malik luk mananna. Israayilik Daan-kedoh yooboke mari, Israayil mari inkih baaxo elle gee'kkel, baaxo gee'kal yeneeniih; tohuk gexxaamah yabbixen baaxoh goranat gacen.

Makaabon 18:7

Toh keenik inxicca 'ye waqdi, woo koona num Laysâ-magaala fanah safarte. Too magaala gufen waqdi, magaala yubleeniih; magaalal yan mari hammi sinnim amaanah elle xiinan inna keenik yismiteenih. Saydâ-marak kaxxih, a magaalal yan mari amaanah yeneeniih; ken xagtam mananna. Oson kaadu xagtan mara luk manannon. Mano keenil muquk teneeh; faxxa haanam inkih luk yenen. Laysâ-magaala, Saydâ marih magaalak xeeruk raaqak teneeh; hebeltô-mara luk heen bica kee qalla luk manannon.

Makaabon 19:1

Israayil mari malik luk suge wee dabaanal, uli Leewih yooboke num yen. Too num Efrayim-rasuk qaleela le baaxok darre le kabut raqta baaxol buxah yen. Too num Yuudâ-rasul geytinta Beetlacam-magaalak, caggoytâ-gubih caggoyta kaah takke'gidih, baxuwwa bee.

Makaabon 21:24

Sarrak gaaboowe marak numuuy isi baaxo kee isi ahli kee kedo fanah yuduure.