Makaabon 20:47 - NABUWWA KEE MALIKWA

⁴⁷ Lica boolih num faxe innalaay yisillimeeh; too mari Rimmon Xaa akak iyyan aracay sinam elle ane sinnihiyya fanah kuden. Tokkel affara alsa sugen.

Makaabon 20:47 ပူးပေါင်းရင်းမြစ်များ

Yasaqya 1:9

YALLAY Nabaamak Nabahiyya, Yarusalaamal yekkeh yan wararak marak garabak rooci cate waamal, Yarusalaam magaala Sodom kee Gomorrak kaxxih, inkitanuuk baye rarte.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Cabakkuk 3:2

YALLAW, duma abtem kok oobbeh. Migaq gexxo le Dagelta kinnitom, YALLAW, aaxigeh. YALLAW, kok abto digga haa; duma-abtem cubbusa waqdi, qagabsitah, qagab axce. Kaxxa abittoy dumah abte, ni dabaanal kaadu qagis. Isi qande nee uybulluyaay isi bagcarrak nee cataay, isi racmatta nel oobis.

Zakariyya 14:10

Gabaq deqsita aracay kilbat le kabut raaqak xabba haanamaay, Rimmon deqsita aracay gabbi le qaxat raaqahiyyah amma 'yaanam fan booxa akkele. Yarusalaam magaala dariifal teetik tan baaxok fayya axcuk raaqele. Magaalak exxa Benyam-Culma deqsitta afak xabba haanamaay, duma magaala akak culak sugen af elle suge arac fan gexak, Rukni-Afah deqsita arac fan gufele. Sahda akak yabloonuh xisen Cananal-Qariy amo-xeerik, malik buxah marih qinab kamri axmuumuk elle bicisak yenen arac fan gufele.

Makaabon 20:46

Too ayrot Benyaamak agiirah ten qaskarak tittat labaatanna kee koona alfih num rabe.

Makaabon 20:48

Israayil-mari uduurra 'yeh, Benyam marak raqteemik awka macabinnon; lab num maxcinnon barra maxcinnoonuy selli heen. Magaalal sugteemik lac kee buxah addah alluwwa agantah selli heen. Tohiital sugga 'te magaaloolik tu macabinnoonuy kaadu inkih cararisen.

Makaabon 21:13

Sarraa, too maray gaaboowehiyya Rimmon-Xaa deqsita aracal yen Benyam marah farmo ruubeeniih, «Ahaysa qeebi siinit abtam matanak, aytikuma» keenik iyyen.