Makaabon 20:26 - NABUWWA KEE MALIKWA

²⁶ Israayil mari tah yuble waqdi, kaxxa qaadiyyah qaadeeniih Beetal fan gexxa 'yeenih, tokkel daffa 'yeenih YALLAL weeqak asen. Too ayro bari tikka 'yam fanah maaqo afah maxaginnon. Tokkel too ayro YALLAH cado akak cararisan sadgat kee amaanah xiinaanamih astah aban sadgat aben.

Makaabon 20:26 ပူးပေါင်းရင်းမြစ်များ

2 Samuwel 3:35

Tohuk lakal tokkel suggu 'ye mari Dawudul yemeeteeh, «Ayro tan way maaqo ukumey» 'yeenih kaa kallacen. Takkay immay Dawud, «Yalli yoo qiday, bari yakkeemik naharat maaqo akme waamah» axcuk xiibite.

2 Aydaad 20:3

Toh yoobbe waqdi Yacoosafat cunxo hayteeh, YALLAL gita essereemit yemeete. Sarrak inkih yan rasul sinaamak sooma iyyeeh amri yecee.

Qedra 8:21

Acawa fan caxita dorih garil elle kobxen ikkel, ummattal amri oobiseeh, keenik exceemih, «Yalla kinni ni Dagelti a safar nel yaymaaquuy, nee kee ni xaylooy neddereemik inkih Yarusalaam fan amaanah nee gufsa'gidih, kaah soomaay rammita» keenik exce.

Ermiyaas 36:9

Yahoyaakim, Yuudâ-malik edde yekke konoyhaytô sanatak sagalhaytoh alsat, Yarusalaam magaalal yen mara kee, Yuudâ-magaaloolik yemeete maray Yarusalaamal yenehiyya titta geyya heenih YALLAH soomen.

Ayyuqel 1:14

«Takkeenimiik inki aracal qibaadah gaabowwa 'xicay sooma» 'yaanam inxica. Yuudah abbobti akak macabinay, Yuudâ marah inkih seecaay; Qibaadâ-Qaril sin Dageltal weeqa.

Yoosuwa 24:1

Yoosuwa Seekem deqsita aracal Israayilik rade mara inkih gaaboyse. Tokkel idoola kee kedoh abbobtiiy cokmaaba kee ummattâ qaskarih abbobtih inkih seeco abeeh; oson Yallih Qibaadah Siraqih foocal gaaboowen.

Yoosuwa 7:6

Too waqdi Yoosuwa abeh yan wariggah sara isik qanxiseeh; YALLIH Qahdih-Sanduguk foocal gommoh rade. Israayil makaabon kaadu toh abteeh; tokkel aben arka yaybulleeni'gidih amol siisa luk magrib tikki 'yam fan gommoh sugen.

Makaabon 20:18

Sarraa, Israayil mari Beetal deqsitta magaalal gaabooweeniih, «Yallaw, Benyam marat naharak qeebi abtu wayta kedo neh escessey?» iyyen. Too waqdi YALLIH garik, «Naharak gaaduh Yuudah yooboke mari gexay» inta qangara temeete.

Makaabon 20:25

too waqdi Benyam-mari kaadu nammayhaak magaalak bukka 'yeeniih, taban kee bacra alfih qaskariitay nagay tan qaskariino lehiyya qeebit keenik qiden.

Makaabon 21:2

Tohuk gexxaamah sarrî-saaku Beetal fan gexxa 'yeenih inkih tan ayro Yallal weeqakaay kaxxa boogeh boogisak asen.

Makaabon 21:4

Ciggilta ayro maaca dibrot sadgat elle aban arac bicissa heeniih, cado akak carrisan saq sadgatah woo aracih amol carriseeniih, tonnah kaadu amaanah xiinaanamih astah aban sadgat tokkel aben.

1 Samuwel 11:4

Tohuk lakal farmoh sinam ruubeeniih; woo mari, Gibqâ-magaalay Saawul elle yanihiyya fan yemeeteenih, woo xaagu sinaamah warsen. Too xaagu yoobben waqdi, ummatta inkih kaxxam boogisseh.

1 Samuwel 7:6

Oson too waqdi yakkeenimiik wokkel gaaboowen. Lee quleenih, YALLAH mattaco takke'gidih woo lee baaxol caxen. Sarrak too ayro soomuh asen. «YALLAW, dambi lem kol bahneh nan» iyyen. Samuwel makaabantu yekkeh; Israayil fanal sittin-way rada waqdi keenik elle kalak yenem, Mixfa deqsitta magaalak ten.