Makaabon 20:22 - NABUWWA KEE MALIKWA

^22-23 Toh keenit tekke waqdi, Israayil mari qibaada elle aban arac gexxa 'yeeniih, bari tikka 'yam fanah YALLAL weeqak sugen. Sarrakaa, YALLA fan essero xayyoosen. Iyyeenimihii, «Benyam maray ni toobokoh yanih qeebih genxuu magenxu, YALLAW?» iyyen. YALLAKAA, «Yeey, qeebi keenit aba» inta qangara temeete. Too waqdi niya keenit gacteeh, edde ugteeniih, duma akah aben innah, qeebi keenit abaana'gidih, dumih aracal bical gacen.

Makaabon 20:22 ပူးပေါင်းရင်းမြစ်များ

2 Samuwel 11:25

Toh yoobbe waqdi, Dawud kaak iyyeemih, «Yowabak ‹Aytikum› inxicaay, ‹Tekkeemit masakkitin. Qeebi yakke waqdi qeebit rabu waa num, num mayaaxiga. Away qeebit quuruk culaay, magaala ibbixa› 'yaanam kaak inxic» iyye.

Makaabon 20:15

Too ayrot labaatanna kee lica alfih qaskariita isinni magaaloolih addak gaaboysak tokkel kobxisen. Too marak kalah kaadu, dibuk Gibqâ-magaalal yooboke marak malcina boolih numuy nagay qaskariino lehiyya doorru heenih baahen.

Makaabon 20:17

Raqqa 'ye Israayil mari is le kabuk, affara boolih alfi qaskariitay nagay tan qaskariinô-baritto lehiyya qeebih keenih bical heen.

Makaabon 20:21

Benyam mari magaalah addak yewqeeh, too ayrot edde Israayil-qaskarak labaatanna kee namma alfih num qiden.

1 Samuwel 30:6

Dawud maray xaylo seewah akak beenihiyya kaxxam bagcarriteenih yeneenih; Dawud xeetit qidaanam faxak yenen. Tonna-leemik kaxxa gadaama Dawud tibbixe. Takkay immay YALLAY kay Dagelta kinnihiyya kaa cateh, agiirite.