Makaabon 20:21 - NABUWWA KEE MALIKWA

²¹ Benyam mari magaalah addak yewqeeh, too ayrot edde Israayil-qaskarak labaatanna kee namma alfih num qiden.

Makaabon 20:21 ပူးပေါင်းရင်းမြစ်များ

2 Aydaad 28:10

A saaku Yuudâ-rasu kee Yarusalaam magaalal agabu kee labhak rabak raqtem isinni naqoosa abtaanam faxxan. Tonnal hay, isin isinnih, YALLIH garil dambit ase mara takkeenim siinih matambullaa?

Ermiyaas 12:1

Inni Dagelta lih yaabeeh excemii: «YALLAW, qadaalat le Dagelta kinnito. Yi Dageltaw, yot tekkem ku amol haysitu waa; qadaalat le cokmi yoh abettom aaxigeeh, mawaagisa'mmay, atu qadaalat elle abta'nnak uxih cede weemiy koo esseram faxa liyo. Uma-qamal-leela gaddaloola akah tekkem macaay? Aamanti sinni maral kullim akah bictam macaay?

Hosiqa 10:9

YALLI iyyeemih, «Israayil mari, Gibqa deqsita aracal dambit ase ayrok wadir, dambi abittok way maadayinnon. Tonna leemiik Gibqal qeebi ken abbixele.

Makaabon 20:20

Sarrakaa, Benyam marat fooca kee foocah gacca 'yeenih qeebih bicsiten.

Makaabon 20:22

Toh keenit tekke waqdi, Israayil mari qibaada elle aban arac gexxa 'yeeniih, bari tikka 'yam fanah YALLAL weeqak sugen. Sarrakaa, YALLA fan essero xayyoosen. Iyyeenimihii, «Benyam maray ni toobokoh yanih qeebih genxuu magenxu, YALLAW?» iyyen. YALLAKAA, «Yeey, qeebi keenit aba» inta qangara temeete. Too waqdi niya keenit gacteeh, edde ugteeniih, duma akah aben innah, qeebi keenit abaana'gidih, dumih aracal bical gacen.

Makaabon 20:25

too waqdi Benyam-mari kaadu nammayhaak magaalak bukka 'yeeniih, taban kee bacra alfih qaskariitay nagay tan qaskariino lehiyya qeebit keenik qiden.